Scaireanna d'fhostaithe
Scair-roghanna neamhcheadaithe
Tabhair do d’aire
Tá dualgas ar fhostóirí Íoc Mar a Thuillir (ÍMAT) a oibriú ar ghnóthachain a réadaíodh nuair a dhéanann a bhfostaithe nó a stiúrthóirí scair-roghanna a fheidhmiú, a shannadh nó a scaoileadh ar an 1 Eanáir 2024, nó dá éis sin.
Is éard is scair rogha ann ná ceart a thugtar d’fostaí chun scaireanna i gcuideachta a fháil. Féadfaidh tú cinneadh a dhéanamh na scaireanna a eisiúint gan aon chostas ar fhostaí nó féadfaidh tú praghas ceannaigh réamhshocraithe a shocrú.
Tá aon ghnóthachan a dhéanann fostaí ar fheidhmiú, sannadh nó scaoileadh scair-rogha faoi réir:
Scair-roghanna a dheonú
Tugtar rogha ghearr ar rogha nach mór a fheidhmiú laistigh de sheacht mbliana. Níl aon cháin dlite ar dháta a deonaíodh an ceart seo.
Tugtar rogha fhada ar rogha is féidir a fheidhmiú níos mó ná seacht mbliana ón dáta a dheonaítear í. Tá cáin dlite ar dháta an deonaithe má tá praghas na rogha níos lú ná luach margaidh na scaireanna. Tá tú freagrach as an gcáin seo a thíolacadh tríd an bpárolla.
Tá d'fhostaí i dteideal creidmheas a fháil i leith na cánach a íocadh ar an deontas má dhéanann siad gnóthachan ar fheidhmiú rogha fhada. Ní mór duit an creidmheas seo a chur ar fáil tríd an tsuim ghlan cánach atá dlite ar dháta an fheidhmithe a ath-ollardú.
- Sampla
Fuair Orlaith rogha fhada, agus bhailigh agus d'íoc an fostóir cáin €260 tríd an bpárolla ar dháta an deonaithe. I mí Eanáir 2025, d'fheidhmigh sí an rogha fhada agus ghnóthaigh sí gnóthachan €3,000. Ríomhann a fostóir an cháin atá dlite ag na rátaí cuí de réir an Fhógra Párolla na gCoimisinéirí Ioncaim (FPCI) is déanaí, agus asbhaintear an cháin a íocadh ar an deontas. Déantar an ghlancháin iníoctha a ollardú agus a áireamh mar chuid de phá comhlán Orlaith don tíolacadh párolla ábhartha.
Ríomh Orlaith maidir le gnóthachan ar an bhfeidhmiú
| Gnóthachan ar an bhfeidhmiú |
|
|
€3,000 |
| Cáin Ioncaim |
40% |
€1,200 |
|
| MSU |
8% |
€240 |
|
| EE ÁSPC |
4.1% |
€123 |
|
| Cáin ar ghnóthachan ón bhfeidhmiú |
|
|
€1,563 |
| Lúide cáin íoctha ar dháta an deonaithe |
|
|
€260 |
| iníoctha ar dháta an fheidhmithe |
|
|
€1,303 |
| Cáin athchomhlánaithe €1,303 x 100/(40+8+4.1) |
|
|
€2,501 |
| Tíolacadh párolla - Pá Comhlán maidir leis an ngnóthachan a dearnadh ar fheidhmiú |
|
|
€2,501 |
Scair-roghanna a fheidhmiú roimh an 1 Eanáir 2024
Ba dhuine inmhuirir an fostaí agus d'íoc sé/sí Cáin Iomchuí ar Scair-Roghanna (CISR) laistigh de 30 lá ón gcleachtadh. Tá oibleagáidí d'fhostaí leagtha amach i Scaireanna a bhaineann le fostaíocht.
Ní ghearrtar cáin tríd an gcóras ÍMAT ar scair-roghanna a fheidhmítear roimh an 01 Eanáir 2024.
Scair-roghanna a fheidhmiú ar an 1 Eanáir 2024, nó dá éis sin
Gearrtar cáin tríd an gcóras ÍMAT ar scair-roghanna a fheidhmítear rar an 01 Eanáir 2024, nó dá éis sin. Ní duine inmhuirir é d'fhostaí a thuilleadh. Ní mór Cáin Ioncaim, MSU agus ÁSPC a asbhaint trí phárolla ar aon ghnóthachan a éiríonn as feidhmiú na scair-roghanna. Ní bhaineann ÁSPC Fostóra ar gnóthachain scair-roghanna, faoi réir coinníollacha áirithe.
Scair-roghanna a shannadh nó a scaoileadh ar an 1 Eanáir 2024, nó dá éis sin
Ní mór duit Cáin Ioncaim, MSU agus ÁSPC a asbhaint tríd an bpárolla má réadaíonn d'fhostaí gnóthachan trí scair-rogha a shannadh nó a scaoileadh.
Má dhéanann tú íocaíocht airgid tirim le d’fostaí chun scair-roghanna a scaoileadh, ní mór duit ÍMAT (lena n-áirítear ÁSPC Fostóra) a oibriú ar an ngnáthbhealach.
Riachtanais tuairiscithe
Ní mór duit rogha a dheonú, a fheidhmiú, a shannadh nó a scaoileadh a thuairisciú ar an bhFoirm RSS1.
Le haghaidh tuilleadh eolais, féach Dualgais tuairiscithe scaireanna.
Ar aghaidh: Clár Rannpháirtíochta Príomhfhostaithe (CRPF)