Baile   Gnóthachain, bronntanais agus oidhreachtaí  

Faoiseamh Gnó

  1. Léargas ginearálta
  2. Céard iad na coinníollacha le haghaidh Faoiseamh Gnó?
  3. Céard is maoin gnó ábhartha ann?
  4. Gnóthaí nach gcáilíonn le haghaidh faoisimh
  5. Cén chaoi a ríomhtar suim an fhaoisimh
  6. Tréimhse íosta úinéireachta ar mhaoin gnó
  7. Cúinsí inar bhféadtar faoiseamh a tharraingt siar
  8. Cén chaoi a éilíonn tú Faoiseamh Gnó?

Cén chaoi a ríomhtar suim an fhaoisimh

Laghdaítear luach incháinithe na maoine gnó ábhartha faoi 90%.

Ríomhtar an luach incháinithe tríd an tsuim seo a leanas a bhaint ó luach margaidh na maoine gnó ábhartha:

  • dliteanais
  • costas
  • caiteachais
  • agus
  • aon chineál comaoine.

Is éard atá sa chomaoin ná an tsuim airgid nó luach an airgid a íocann an duine atá ag fáil an bhronntanais nó na hoidhreachta i leith na maoine gnó.

Sócmhainní eiscthe

Níl sócmhainní áirithe, ar a dtugtar ‘sócmhainní eiscthe’, san áireamh sa laghdú 90% nuair atá an luach incháinithe á ríomh. Is iad sin:

  • sócmhainní nach bhfuil in úsáid chun críoch an ghnóthais
  • sócmhainní a ceannaíodh níos mó ná dhá bhliain roimh an mbronntanas nó an oidhreacht, agus nár úsáideadh ina n-iomlán nó den chuid is mó chun críocha an ghnó. Is éard atá i gceist le 'ina n-iomlán nó den chuid is mó' ná níos mó ná 50%
  • agus
  • aon ghnóthas nua ceannaithe ag comhlacht taobh istigh den tréimhse úinéireachta íosta. Ní bhaineann sé seo má tá gnó nua ag teacht in áit an gnó reatha go hiomlán nó go páirteach.
  • Sampla 1

    Fuair Micheál an gnóthas teaghlaigh le hoidhreacht nuair a fuair a athair bás an 1 Bealtaine 2016. Ba é €400,000 luach incháinithe an ghnóthais

    Faoiseamh Gnó a Ríomh
      Luach
    Luach incháinithe roimh fhaoiseamh €400,000
    Lúide Faoiseamh Gnó (90% den luach incháinithe) €360,000
    Luach incháinithe tar éis faoisimh €40,000

     

  • Sampla 2

    D’aistrigh Tomás an gnóthas teaghlaigh chuig a iníon Áine an 10 Aibreán 2017. Is é €4,000,000 an luach margaidh. Is é suim iomlán na ndliteanas, na gcostas agus an chaiteachais ná €20,000. Chuir Áine €55,000 ar fáil mar chomaoin

    Faoiseamh Gnó a Ríomh
     Luach
    Luach margaidh

    €4,000,000
    Lúide dliteanais, costais agus caiteachas

    €20,000
    Lúide comaoin

    €55,000
    Luach incháinithe roimh fhaoiseamh €3,925,000
    Lúide Faoiseamh Gnó (90% den luach incháinithe)

    €3,532,500
    Luach inchánithe tar éis faoisimh €392,500

     

  • Sampla 3

    Thug Ciarán, ar leis na scaireanna uile in STU Teoranta, a scaireanna go léir dá iníon Laoise mar bhronntanas. Is é €950,000 luach incháinithe na scaireanna roimh na suimeanna faoisimh a fheidhmiú. Folaíonn sé seo scaireanna luaite ar luach €50,000 atá á gcoinneáil mar infheistíocht.

    Ní úsáidtear na scaireanna chun críocha an ghnó (sócmhainní eiscthe). Ní mór neamhaird a dhéanamh de luach na scaireanna agus Faoiseamh Gnó á ríomh.

    Faoiseamh Gnó a Ríomh
     Luach
    Luach incháinithe roimh fhaoiseamh

    €950,000
    Lúide sócmhainní eiscthe

    €50,000
    Suim an luacha incháinithe a fhéadann tairbhe a bhaint as an bhfaoiseamh

    €900,000
    Lúide Faoiseamh Gnó (90% den luach incháinithe)

    €810,000
    Luach incháinithe na sócmhainní cáilitheacha (tar éis faoisimh)

    €90,000
    Móide luach incháinithe na sócmhainní eiscthe

    €50,000
    Luach incháinithe thairbhe Laoise

    €140,000

     

Ar aghaidh: Tréimhse íosta úinéireachta ar mhaoin gnó

Foilsithe: 08 Lúnasa 2024 Priontáil an leathanach seo

Leathanach baile Ar ais go barr