Baile   Gnóthachain, bronntanais agus oidhreachtaí  

Tairseacha, rátaí agus rialacha um chomhiomlánú don Cháin Fáltas Caipitiúil (CFC)

  1. Léargas ginearálta
  2. Dátaí tábhachtacha le haghaidh CFC
  3. Rialacha CFC um chomhiomlánú
  4. Grúpaí CFC agus grúpthairseacha
  5. Rátaí CFC
  6. Grúpaí stairiúla CFC, grúpthairseacha agus rátaí

Rialacha CFC um chomhiomlánú

Íoctar Cáin Fáltas Caipitiúil (CFC) ar iomlán na mbronntanas agus na n-oidhreachtaí incháinithe a fuarthas ón 5 Nollaig 1991. Tugtar na rialacha um chomhiomlánú ar na rialacha maidir leis an gcaoi a ríomhtar sochair roimhe seo.

Rialacha reatha CFC um chomhiomlánú

Tá feidhm ag na rialacha seo ón 5 Nollaig 2001 ar aghaidh. Is iad na rialacha um chomhiomlánú maidir le bronntanas nó oidhreacht ná iad siúd a bhfuil feidhm acu ar dháta an bhronntanais nó ar dháta na hoidhreachta. Níl an dáta luachála, lena socraítear an dáta dlite do CFC, ábhartha do na rialacha um chomhiomlánú.

Chun an CFC ar an sochar is déanaí a ríomh, suimigh na hoidhreachtaí agus na bronntanais uile a fuarthas faoin ngrúpthairseach chéanna ón 5 Nollaig 1991 ar aghaidh:

  1. Sainaithin an ghrúpthairseach a bhaineann leis an sochar reatha.
  2. Suimigh luach incháinithe gach sochar a fuarthas faoin ngrúpthairseach ón 5 Nollaig 1991 ar aghaidh.
  3. Ríomh iarmhéid neamhúsáidte na grúpthairsí.
  4. Dealaigh an tsuim seo ó luach an tsochair reatha.
  5. Is é seo an tsuim bhreise nach mór cáin a íoc uirthi.
  • Sampla

    Fuair Clár bronntanas ar luach €40,000 óna tuismitheoirí. Tá Grúpa A sainaitheanta aici mar an tairseach CFC agus is é €400,000 an tairseach.

    Shuimigh sí luach incháinithe na sochar uile a fuair sí roimhe seo faoi Ghrúpa A ón 5 Nollaig 1991 ar aghaidh. Tá sé ríofa ag Clár go bhfuair sí sochair roimhe seo ar luach incháinithe €365,000.

    Rialacha CFC um chomhiomlánú (tar éis an 5 Nollaig 2001)
    Cur síosRíomhLuach

    Grúpthairseach

     

    €400,000

    Luach incháinithe iomlán na sochar roimhe seo sa ghrúpa

     

    €365,000

    Iarmhéid neamhúsáidte na tairsí

    €400,000 – €365,000

    €35,000

    Luach an tsochair reatha

     

    €40,000

    Suim an fharasbairr

    €40,000 – €35,000

    €5,000

    Ní mór do Chlár cáin a íoc ar an tsuim farasbairr €5,000.

Rialacha stairiúla CFC um chomhiomlánú

Úsáid na rialacha seo a leanas chun an cháin ar an sochar is déanaí a ríomh.

I gcás sochar a fuarthas idir na dátaí seo:

  • idir an 1 Nollaig 1999 agus an 4 Nollaig 2001 agus an dá dháta sin san áireamh, suimigh na hoidhreachtaí agus na bronntanais uile a fuarthas sa tréimhse seo faoin ngrúpthairseach chéanna
  • idir an 2 Nollaig 1998 agus an 30 Samhain 1999 agus an dá dháta sin san áireamh, suimigh na hoidhreachtaí agus na bronntanais uile a fuarthas sa tréimhse seo faoi gach grúpthairseach
  • idir an 26 Márta 1984 agus an 1 Nollaig 1998 agus an dá dháta sin san áireamh, suimigh na hoidhreachtaí agus na bronntanais uile a fuarthas sa tréimhse seo faoi gach grúpthairseach
  • idir an 3 Meitheamh 1982 agus an 25 Márta 1984 agus an dá dháta sin san áireamh, suimigh na hoidhreachtaí agus na bronntanais uile a fuarthas sa tréimhse seo faoin ngrúpthairseach chéanna.

Ar aghaidh: Grúpaí CFC agus grúpthairseacha

Foilsithe: 02 Deireadh Fómhair 2024 Priontáil an leathanach seo

Leathanach baile Ar ais go barr