Tairseacha, rátaí agus rialacha um chomhiomlánú don Cháin Fáltas Caipitiúil (CFC)

Grúpaí CFC agus grúpthairseacha

Tabhair do d’aire

Tá Bronntanais agus Oidhreachtaí tógtha ag Céile nó Páirtnéir Sibhialta díolmhaithe ó CFC.

Más baintreach, baintreach fir nó i do pháirtnéir sibhialta marthanach tú, Faoiseamh i leith Céile nó Páirtnéir Sibhialta Mharthanaigh d’féadfaidh sé go mbaineann sé leat. D’fhéadfadh tionchar a bheith ag an bhfaoiseamh seo ar an tairseach a bhaineann leat.

Ní chaithfear cáin a íoc i leith bronntanais ná oidhreachta má tá a luach incháinithe faoi thairseach áirithe. Braitheann an tairseach a úsáideann tú ar do ghaol leis an diúscróir. Ní mór cáin a íoc i leith aon luach atá fágtha os cionn na tairsí sin. Tá trí ghrúpthairseach ann.

Folaíonn 'leanbh' leanbh uchtaithe agus leasleanbh.

Grúpa A

Beidh feidhm ag an nGrúpthairseach A sa chás gur tusa duine de na daoine seo, an tairbhí, ar dháta an bhronntanais nó na hoidhreachta:

• leanbh de chuid:
  • an diúscróra
  • nó
  • pháirtnéir sibhialta an diúscróra
• leanbh mionaoiseach, faoi 18 mbliana d’aois, de chuid leanbh éagtha:
  • an diúscróra 
  • nó
  • nó pháirtnéir sibhialta an diúscróra 
• leanbh mionaoiseach de chuid páirtnéara shibhialta an linbh éagtha de chuid: 
  • an diúscróra
  • nó
  • pháirtnéir sibhialta an diúscróra
• leanbh altrama de chuid an diúscróra, i gcúinsí áirithe
• nó
• tuismitheoir de chuid an diúscróra agus go bhfaigheann tú leas iomlán in oidhreacht ar bhás do linbh. Ní cháilíonn leas teoranta a fhaightear le hoidhreacht do thairseach Ghrúpa A.

Féadfaidh roinnt maoin éagsúil a bheith in Eastát. Níl sé riachtanach go bhfaigheadh tuismitheoir Eastát iomlán le hoidhreacht d’fhonn leas iomlán a thógáil ann. Faigheann duine leas iomlán i maoin le hoidhreacht mura bhfuil aon choinníollacha nó srianta i ndáil leis an maoin sin curtha i bhfeidhm ag an duine éagtha.

Grúpa B

Beidh feidhm ag an nGrúpthairseach B sa chás gur tusa duine de na daoine seo, an tairbhí, ar dháta an bhronntanais nó na hoidhreachta:

• tuismitheoir an diúscróra, nuair a thógtar bronntanas nó leas teoranta
• deartháir nó deirfiúr de chuid an diúscróra
• leanbh dearthár nó deirféar de chuid an diúscróra (féadfaidh sé go mbeidh feidhm ag an bhFaoiseamh do Neacht nó Nia is fearr.)
• leanbh de chuid an pháirtnéara shibhialta de chuid dearthár nó deirféar de chuid an diúscróra
• dírshinsear de chuid an diúscróra, amhail seantuismitheoir
• nó
• dírshliochtach de chuid an diúscróra amhail garleanbh (seachas dírshliochtach dá dtagraítear i ngrúpa A).

Sa chás gur tairbhí thú, a bhí ar altramas,  d’fhéadfadh tairseach Ghrúpa B a bheith ar fáil má fhaightear an bronntanas nó oidhreacht:

• ó ghaol do thuismitheoir altrama
• nó
• ó dhuine a bhí altramaithe ag do thuismitheoir altrama freisin.

Le haghaidh tuilleadh eolais, féach Faoiseamh i leith Leanbh Altrama.

Grúpa C

Tá feidhm ag Grúpthairseach C sa chás nach bhfuil gaol agat, an tairbhí, ar dháta an bhronntanais nó na hoidhreachta, le:

diúscróir a chlúdaítear i nGrúpa A

nó

diúscróir a chlúdaítear i nGrúpa B.

Áirítear i nGrúpa C sochair a ghlacann uncailí, aintíní, gariníonacha, gar-neachtanna, col ceathracha, in-dlíthe agus cairde. Sochar a fhaigheann nia nó neacht, ó uncail nó aintín, is ea Grúpa B. Mar sin féin, sochar a fhaigheann uncail nó aintín, ó nia nó neacht, is ea Grúpa C.

Grúpthairseacha

Tá suim tairsí saor ó cháin ag gach grúpa. Is tairseach charnach atá i gceist agus baineann sí le hiomlán na sochar incháinithe a fuair tú sa ghrúpa sin. (Ní mór luach incháinithe na mbronntanas agus na n-oidhreachtaí a fuarthas cheana sa ghrúpa céanna, ón 5 Nollaig 1991, a chur san áireamh.)

Ní íoctar cáin ach ar luach bronntanais nó oidhreachta os cionn shuim na grúpthairsí saor ó cháin.

Ar aghaidh: Rátaí CFC