Baile   Gnóthachain, bronntanais agus oidhreachtaí  

Cáin Bhronntanais agus Oidhreachta (Cáin Fáltas Caipitiúil – CFC)

  1. Léargas ginearálta
  2. Céard air a íoctar CFC?
  3. Céard air nach n-íoctar CFC?
  4. Céard iad na muirir i leith tíolacadh déanach?
  5. Cén chaoi a ríomhtar CFC?
  6. Cén chaoi agus cén uair a íocann tú?
  7. Cumhachtaí cúlghairme
  8. Seilbh chodarsna

Cumhachtaí cúlghairme

I gcás bronntanais atá faoi réir cumhachta cúlghairme, ciallaíonn sé go bhfuil an ceart ag an duine a thugann an bronntanas an bronntanas sin a chúlghairm. Ní bheidh aon Cháin Fáltas Caipitiúil (CFC) dlite sa chás seo.

Beidh CFC iníoctha má dhéanann an duine a thug an bronntanas ceachtar díobh seo:

  • má scaoileann sé nó sí an chumhacht cúlghairme seo agus go má éiríonn sé de bheith mar bhronntanas iomlán chun críocha CFC
  • nó
  • má fhaigheann an duine bás agus má éiríonn an bronntanas de bheith mar oidhreacht.

Má tá saor-úsáid agat as sochar atá faoi réir cumhachta cúlghairme, féadfaidh sé go dtiocfaidh muirear CFC aníos. Ríomhtar CFC ar luach bliantúil an tsochair. 

Measfar go bhfuil an sochar seo tógtha ar an 31 Nollaig le haghaidh gach bliain a bhfuil saor-úsáid as an sochar agat.

  • Sampla

    Ar an 1 Eanáir 2014, d’aistrigh Eoghan a theach chuig Déaglán. Coinníonn sé an ceart an t-aistriú sin a chúlghairm. Tá saorúsáid na maoine ag Deaglán, áfach. Fuair Eoghan bás ar an 30 Meitheamh 2017 gan úsáid a bhaint as an gcumhacht chúlghairme. Tar éis bhás Eoghain, rinneadh luacháil €500,000 ar an teach. Is é luach an chíosa margaidh ó Eanáir 2014 go Nollaig 2017 ná €20,000 sa bhliain.

    Tá na sochair seo a leanas ag Déaglán gach bliain:

    - ar an 31 Nollaig 2014, bronntanas €20,000 (mar gheall gurb é €20,000 a bheadh ar an gcíos don mhaoin)

    - ar an 31 Nollaig 2015, oidhreacht €20,000 (mar gheall go bhfuair Eoghan bás in 2017, is oidhreacht é an bronntanas €20,000 anois)

    - ar an 31 Nollaig 2016, oidhreacht €20,000 (mar atá thuas)

    - ar an 30 Meitheamh 2017, oidhreacht €10,000 (luach sé mhí den €20,000 don chíos don bhliain sin)

    - ar an 30 Meitheamh 2017, oidhreacht €500,000 (is é seo luach iomlán an tí a fuair Déaglán).

    Glacfar leis gurb ionann bronntanas agus oidhreacht más rud é go bhfhuarthas an bronntanas laistigh de thréimhse dhá bhliain roimh bhás an diúscróra. Más amhlaidh atá, tá feidhm ag an Díolúine i leith Bronntanais Bheaga fós.

Ar aghaidh: Seilbh chodarsna

Foilsithe: 01 Márta 2024 Priontáil an leathanach seo

Leathanach baile Ar ais go barr