Dhá phost nó níos mó

Is fostaí Íoc Mar a Thuillir (ÍMAT) í Siobhán agus tuilleann sí €850 in aghaidh na seachtaine le haghaidh a príomhphoist.

Seolfaidh na Coimisinéirí Ioncaim DCC chuig Siobhán ar a léireofar na creidmheasanna cánach agus an banda ráta seo. Seolfaidh muid Fógra Párolla na gCoimisinéirí Ioncaim (FPCI) chuig a fostóir agus na suimeanna iomlána ar léiriú ann.

Faigheann Siobhán post eile ina dtuilleann sí €110 in aghaidh na seachtaine. Socraíonn sí a creidmheasanna cánach agus banda ráta a fhágáil ina n-iomlán lena príomhphost.

Seolann na Coimisinéirí Ioncaim Deimhniú Creidmheasanna Cánach chuig Siobhán ag taispeáint nach bhfuil aon bhanda ráta ná creidmheasanna cánach aici don phost seo. Seolfaidh muid FPCI freisin chuig a fostóir nua ag taispeáint gur chóir cáin a ghearradh ar an ollioncam ag an ardráta 40%.

Is é seo an chaoi a ndéantar cáin sheachtainiúil Shiobháin a ríomh dá príomhphost:

Is é seo an chaoi a ndéantar cáin sheachtainiúil Shiobháin a ríomh dá dara post:

Is fostaí ÍMAT é Pól agus tuilleann sé €500 in aghaidh na seachtaine le haghaidh a phríomhphoist. Faigheann sé post eile, ina dtuilleann sé €450 in aghaidh na seachtaine.

Tá an chuid is mó dá chreidmheasanna cánach seachtainiúla agus a bhanda ráta á úsáid aige i leith a phríomhphoist. Má chinneann sé iad a roinnt idir an dá phost le linn na bliana, féadfaidh sé go mbeidh cáin dlite le híoc aige ina phríomhphost ar deireadh.

Chun é seo a sheachaint, má chuireann Pól in iúl do na Coimisinéirí Ioncaim go bhfuil sé ag iarraidh a creidmheasanna cánach agus a bhanda ráta a roinnt, seolfaidh muid DCCanna athbhreithnithe ar bhonn Sheachtain 1 chuige. (Ciallaíonn sé seo nach ndéantar siardhátú go dtí tús na bliana ar chreidmheasanna cánach agus banda ráta Phóil.) Ag deireadh na bliana, ba chóir do Phól Tuairisceán Cánach Ioncaim Foirm 12 ar-líne a thíolacadh, rud atá ar fáil in ‘Seirbhísí ÍMAT’ in moChúrsaí. Déanfaidh muid athbhreithniú  ansin ar a sheasamh cánach.

Seolann na Coimisinéirí Ioncaim DCCanna chuige ag taispeáint na creidmheasanna cánach agus banda ráta seo. Seoltar FPCI chuig a fhostóirí ag taispeáint na suimeanna iomlána.

Is é seo an chaoi a ríomhtar cáin sheachtainiúil Phóil dá phríomhphost:

Is fostaí ÍMAT Róisín agus tuilleann sí €300 in aghaidh na seachtaine le haghaidh a príomhphoist.

Is é seo an chaoi a ndéantar cáin sheachtainiúil Róisín a ríomh dá príomhphost:

Faigheann Róisín post eile ina dtuilleann sí €190 in aghaidh na seachtaine.

Ní gá do Róisín a creidmheasanna cánach agus banda ráta a úsáid ina n-iomlán lena príomhphost agus iarrann sí ar na Coimisinéirí Ioncaim na suimeanna neamhúsáidte a aistriú chuig a dara post.

Dá réir sin:

• Tá banda ráta seachtainiúil iomlán de €846.15 ag Róisín. Ní theastaíonn uaithi ach €300 chun a tuillimh a chlúdach ina príomhphost ionas go bhféadfaidh sí an €546.15 neamhúsáidte a aistriú chuig a dara post.

• Is é €76.92 creidmheasanna cánach seachtainiúla iomlán Róisín. Ní theastaíonn uaithi ach €60.00 chun a tuillimh a chlúdach ina príomhphost, ionas go bhféadfaidh sí an €16.92 neamhúsáidte a aistriú chuig a dara post.

Seolann na Coimisinéirí Ioncaim DCC chuici leis na creidmheasanna cánach agus an banda ráta seo léirithe air agus seoltar FPCI chuig a fostóir (dara post) ag léiriú na suimeanna iomlána.

Is é seo an chaoi a ndéantar cáin sheachtainiúil Róisín a ríomh dá dara post:

Faigheann Róisín a tríú post ina dtuilleann sí €140 in aghaidh na seachtaine. Iarrann sí le haghaidh DCC don phost seo.

Dá réir sin:
• Is é €846.15 an banda ráta seachtainiúil iomlán Róisín. Ní theastaíonn uaithi ach €490 (€300 + €190) chun a tuillimh ina dá phost eile a chlúdach ionas go bhféadfaidh sí an €356.15 neamhúsáidte a aistriú chuig a tríú post.
• Is é €76.92 creidmheasanna cánach seachtainiúla iomlán Róisín. Toisc go bhfuil siad sin úsáidte aici ina dá phost eile, níl creidmheas cánach ar bith aici le húsáid don tríú post.

Is é seo an chaoi a ndéantar cáin sheachtainiúil Róisín a ríomh dá tríú post: