Do chéad phost a thosú

Céard ba chóir a dhéanamh

Ag clárú le haghaidh Cánach Ioncaim

Nuair a thosaíonn tú ag obair den chéad uair, ní mór duit do phost a chlárú chomh luath agus is féidir. Teastaíonn sé seo le go bhféadtar Cáin Éigeandála a sheachaint. Ní mór duit é seo a dhéanamh fiú más post páirtaimseartha nó post sealadach atá ann.

Chun é seo a dhéanamh, ní mór an méid seo a leanas a dhéanamh:

• cuir isteach ar Uimhir Phearsanta Seirbhíse Poiblí (UPSP) mura bhfuil ceann agat cheana féin. Tá an UPSP ar fáil ón Roinn Coimirce Sóisialaí (RCS)
• agus
• clárú le haghaidh moChúrsaí.

Ag clárú do phost nua

Nuair a fhaigheann tú do phasfhocal do moChúrsaí, beidh tú in ann do phost nua a chlárú. Chun clárú, cliceáil ar an nasc 'Cuir sonraí Poist nó Pinsin leis' faoin gcluaisín 'Seirbhísí ÍMAT' in moChúrsaí. Iarrfar ort faisnéis faoi do phost nua a chur ar fáil. Deimhneofar leis an bhfaisnéis seo an bhfuil tú i dteideal:

• an Creidmheas Cánach Fostaí 
• agus, nó
• agus Liúntais Costas Cothromráta.

Féach ar do Dheimhniú Creidmheasanna Cánach (DCC)

Beidh tú in ann féachaint ar do Dheimhniú Creidmheasanna Cánach taobh istigh de dhá lá oibre. Chun féachaint ar do Dheimhniú Creidmheasanna Cánach, cliceáil ar an nasc ‘Bainistigh do cháin’ faoin gcluaisín ‘Seirbhísí ÍMAT’ in moChúrsaí. Féadann tú an DCC a fheiceáil i 'Mo Chuid Doiciméad' ag barr an leathanaigh Bhaile i moChúrsaí. Cuirfidh na Coimisinéirí Ioncaim Fógra Párolla na gCoimisinéirí Ioncaim (FPCI) ar fáil do d’fhostóir nua ar a léirítear iomlán do chreidmheasanna cánach iomlán agus do bhandaí ráta. Féadann d’fhostóir ansin na hasbhaintí cearta cánach a dhéanamh ó do phá.

Ar aghaidh: Cén chaoi a ríomhtar do cháin