Liúntas costais chothromráta

Féadtar asbhaint a éileamh i leith costais áirithe a thabhaíonn tú go hiomlán, go heisiach agus de riachtanas i gcomhlíonadh do dhualgas fostaíochta.

Ceadaíonn an córas liúntais FRE d'fhostaithe áirithe asbhaint chostais chomhaontaithe a éileamh i leith costais cháilitheacha a bhaineann le fostaíocht a thabhaítear. I measc na samplaí tá uirlisí, éidí agus táillí clárúcháin reachtúla. Déantar suim na hasbhainte a chomhaontú idir na Coimisinéirí Ioncaim agus ionadaithe na ngrúpaí nó aicmí fostaithe (oifigigh cheardchumainn de ghnáth).

Féadtar teacht ar shonraí na liúntas FRE atá ar fáil ar:

• liosta de na liúntas costais chothromráta
• agus 
• liosta de na liúntas costais chothromráta.

Chun liúntas Costais Chothromráta a éileamh sa bhliain reatha

1. Sínigh isteach ar moChúrsaí.
2. Roghnaigh ‘Bainistigh Do Cháin 2024’.
3. Cliceáil ar ‘Déan éileamh ar creidmheasanna cánach’.
4. Roghnaigh 'Do phost' agus cliceáil ar 'Costais Chothromráta'.
5. Comhlánaigh an fhoirm agus tíolaic í.

Chun Costais Chothromráta le haghaidh 2020 go dtí 2023 agus an dá bhliain sin san áireamh a éileamh

1. Sínigh isteach ar moChúrsaí.
2. Cliceáil ar an nasc ‘Déan athbhreithniú ar Do Cháin 2020-2023’ faoin gcluaisín ‘Seirbhísí ÍMAT’.
3. Iarr Ráiteas Dliteanais.
4. Cliceáil ar ‘Comhlánaigh Tuairisceán Cánach Ioncaim’.
5. Ar an leathanach ‘Creidmheasanna & Faoisimh Chánach’, roghnaigh ‘Do phost-costais chothromráta’ agus cuir leis é mar chreidmheas cánach.
6. Comhlánaigh an fhoirm agus tíolaic í.

Féadtar Liúntas Costais Chothromráta a éileamh ar an Tuairisceán Cánach Ioncaim (Foirm 11) chomh maith trí Sheirbhís ar Líne na gCoimisinéirí Ioncaim (ROS).

Tá feidhm ag an riail ceithre bliana i leith aisíocaíochtaí a éileamh ar liúntas costais chothromráta.