Idirscaradh, colscaradh, scaoileadh páirtnéireachta sibhialta agus neamhniú sibhialta
Uimhreacha Pearsanta Seirbhíse Poiblí (Uimhreacha PSP) 'W'
Sa chás go bhfuil tú colscartha nó idirscartha le déanaí agus go bhfuil Uimhir Phearsanta Seirbhíse Poiblí (UPSP) ‘W’, beidh ort UPSP ionaid a fháil. Déantar seo le cinntiú go bhfaigheann tú na creidmheasanna cánach agus banda ráta cearta. Eiseoidh an Roinn Coimirce Sóisialaí (RCS) UPSP nua chugat.
Céard is gá a dhéanamh
Beidh ort teagmháil a dhéanamh leis an Rannán Aitheantais Cliant sa Roinn Coimirce Sóisialaí chun UPSP ionaid a shocrú.
Is féidir leat teagmháil a dhéanamh leo:
- trí ríomhphost ag cis@welfare.ie
- nó
- ar an nguthán ag 0818 927 999 (nó +353 71 967261)
Déanfaidh an Roinn Coimirce Sóisialaí:
- UPSP nua a thabhairt duit
- nó
- do shean UPSP a chur chun feidhme arís, má eisíodh UPSP chugat tar éis 1979 agus sular phós tú.
Ba chóir an méid seo a leanas a bheith san áireamh in iarratais agus fiosruithe chuig an Roinn Coimirce Sóisialaí ar an ábhar seo:
- an UPSP ‘W’
- sloinne breithe
- sloinne breithe na máthar
- dáta breithe
- agus
- UPSP roimh phósadh, más eol é.
Tar éis duit do UPSP ionaid a fháil ón Roinn Coimirce Sóisialaí, ba chóir duit teagmháil a dhéanamh leis na Coimisinéirí Ioncaim leis an uimhir a chlárú chun críocha cánach. Chomh maith leis sin, ba chóir duit teagmháil a dhéanamh le aon eagraíocht eile a d’fhéadfadh do shean UPSP W’ a bheith acu, d’fhostóir nó do sholáthraí pinsin, mar shampla.
Féach ar shuíomh idirlín na RCS le haghaidh tuilleadh eolais.