Uaireanta oscailte na Nollag agus na hAthbhliana

Seachas laethanta saoire poiblí (25 agus 26 Nollaig 2024 agus an 1 Eanáir 2025), cuirfidh na Coimisinéirí Ioncaim gnáthsheirbhísí ar fáil thar thréimhse saoire na Nollag agus na hAthbhliana de ghnáth. Beidh ár n-oifigí poiblí dúnta ón 25 Nollaig 2024 go dtí an 1 Eanáir 2025. Feidhmeoidh calafoirt agus aerfoirt (líne chabhrach Custam) ar bhonn 24 uair an chloig mar is gnáth agus cuirfidh siad gnáthsheirbhís ar fáil, seachas Nollaig 25 agus le seirbhís laghdaithe ar na laethanta agus amanna atá leagtha amach thíos. Beidh na línte fóin ag obair mar is gnáth don deasc chabhrach ROS, don Cháin Mhaoine Áitiúil (CMÁ) agus don Cháin ar Thithe Folmha (CTF) chomh maith le línte cárta creidmheasa an Ard-Bhailitheora, seachas i gcás eisceachtaí áirithe mar atá leagtha amach thíos:                                           

Dé Máirt 24 Nollaig, Déardaoin 26 Nollaig agus Dé Máirt 31 Nollaig, Dé Céadaoin 01 Eanáir 2025:

• Osclófar Líne Chabhrach Custam do na Calafoirt agus don Aerfort ó 07.00 go dtí 19.00.

Dé Céadaoin 25 Nollaig go dtí Dé Luain 30 Nollaig:

• Beidh an líne chabhrach Dleachta Stampa dúnta ón gCéadaoin 25 Nollaig go dtí an Luan 30 Nollaig, an dá la sin san áireamh, agus ar 1 Eanáir 2025.

Dé Máirt 24 Nollaig & Dé Máirt 31 Nollaig 2024:

• Osclófar an deasc chabhrach ROS ó 9.00 go dtí 13.00.
• Osclófar líne na Cánach Maoine Áitiúla (CMÁ) agus na Cánach ar Thithe Folmha (CTF) ó 09.30 go dtí 13.30.
• Osclófar línte cárta creidmheasa an Ard-Bhailitheora ó 09.30 go dtí 13.30.