Bainistigh do chuid admhálacha leis an rianaire admhálacha
Féadtar uaslódáil agus ag féachaint ar shonraí admhálacha trí úsáid a bhaint as an tseirbhís Rianaire Admhálacha ar moChúrsaí nó ar Sheirbhís ar Líne na gCoimisinéirí Ioncaim (ROS). Beidh na hadmhálacha agus íomhánna a uaslódálann tú ar fáil chun cabhrú leat agus do Thuairisceán Cánach Ioncaim á chomhlánú agat. Féadfaidh tú éileamh a dhéanamh ar chreidmheasanna cánach i bhfíor-am ar chostais sláinte a íocadh agus a uaslódáladh sa bhliain reatha.
Má uaslódálann tú d’admhálacha agus íomhánna, ní bheidh ort na hadmhálacha bunaidh a choinneáil. Mura n-uaslódálann tú na híomhánna de do chuid admhálacha chuig an tseirbhís Rianaire Admhálacha, ní mór duit do chuid admhálacha bunaidh a choinneáil ar feadh sé bliana.
Féadtar teacht ar an tseirbhís Rianaire Admhálacha ar:
- moChúrsaí faoi na cártaí ‘Seirbhísí ÍMAT’ agus ‘Bainistigh Mo Thaifead’
- agus
- ROS faoin rannán ‘Seirbhísí Eile’.
Féadtar sonraí admháil agus íomhánna a thagann faoi na catagóirí seo a leanas a uaslódáil:
Tabhair do d’aire
Féadfaidh sé go mbeidh ort Tuairisceán Cánach Ioncaim a chomhlánú d’fhonn creidmheasanna cánach nó faoisimh chánach a éileamh. Tá do Thuairisceán Cánach Ioncaim lonnaithe faoin nasc “Déan athbhreithniú ar do cháin” in moChúrsaí.
Braithfidh an cineál faisnéise nach mór duit a chur san áireamh ar chineál an chostais agus ar an mbliain a íocadh í. Mar shampla, tá sé éigeantach íomhá d’admháil a chur san áireamh le haghaidh costais Sláinte agus costais cianoibre a íocadh ó 2021 ar aghaidh.
Féadfaidh tú sonraí agus íomhanna d’admhálacha a uaslódáil sa Rianaire Admhálacha trí na céimeanna seo a leanas a leanúint:
- Roghnaigh ‘Cuir Admháil Nua Leis’
- Cuir isteach sonraí in ‘Dáta ar íocadh an costas’
- Roghnaigh an ‘Chatagóir agus an ‘Fochatagóir’ ón liosta anuas atá ar fáil
- Lean na leideanna ar an scáileán agus comhlánaigh na réimsí éigeantacha a bhfuil bainteach le catagóir an costas. Féadfaidh tú íomhánna d’admhálacha, trí íomhá nó PDF ar a mhéad, a uaslódáil faoi ‘Uaslódáil doiciméid admhála’. Tá sé tábhachtach a thabhairt do d’aire nuair atá íomhá admhála nó PDF á uaslódáil agat, nach féidir leis an méid a bheith níos mó ná 2MB. Seiceáil do ghléas féin le haghaidh treoracha ar cén chaoi le méid íomhá nó PDF a athrú
- Nuair a bheidh d’íomhánna admhálacha agus gach faisnéis éigeantach uaslódáilte agat, cliceáil ar ‘Cuir Admháil Leis’
- Gheobhaidh tú fógra ar an scáileán ansin gur cuireadh d’admhálacha leis go rathúil
- Sa scáileán seoféadfaidh tú na naisc a leanúint chun admháil eile a chur leis nó filleadh ar achoimre ar do chuid admhálacha. Féadfaidh tú éileamh a dhéanamh ar chreidmheasanna cánach i bhfíor-am ar chostais sláinte a íocadh sa bhliain reatha.
Féadfaidh tú nasc tapaidh a chuig suíomh idirlín na gCoimisinéirí Ioncaim a chruthú ar leathanach baile do ghléis mhóibíligh ach na céimeanna seo a leanas a leanúint:
iOS
- Tosaigh Safari ar do iPhone nó iPad
- Téigh chuig an leathanach logála isteach do moChúrsaí nó ROS ar www.revenue.ie
- Roghnaigh an íomhá Share (an chearnóg le saighead ag síneadh amach as) ag bun an scáileáin
- Roghnaigh 'Add to Home Screen'
- Beidh tú in ann ainm a chur isteach don aicearra
- Roghnaigh 'Add' agus cuirfear an t-aicearra le Leathanach Baile do ghléis mhóibíligh.
Córas Oibriúcháin Android
- Tosaigh Chrome ar d’fhón móibíleach nó táibléad
- Téigh chuig an leathanach logála isteach do moChúrsaí nó ROS ar www.revenue.ie
- Roghnaigh an deilbhín menu (3 spota) sa chúinne ar thaobh na láimhe deise ar bharr
- Roghnaigh 'Add to Home Screen'
- Beidh tú in ann ainm a chur isteach don aicearra
- Roghnaigh 'Add' agus cuir ar do leathanach baile é.
Tá físeán gairid thíos ar an gcaoi le hadmhálacha a uaslódáil ag baint úsaid as an Rianaire Admhálacha in moChúrsaí.