Maidir le ROS

Céard is deimhniú digiteach ROS ann

Tá slándáil ROS bunaithe ar dheimhniú digiteach ROS. Is comhad P12.BAC criptithe é a íoslódáiltear agus a shábháiltear ar do ríomhaire nó gléas móibíleach.  Tar éis do dheimhniú a íoslódáil, tugtar ainm agus pasfhocal dó. Tá rochtain ar an deimhniú agus pasfhocal ag teastáil chun logáil isteach ar ROS.

Níl aon ghá an deimhniú a phriontáil amach, níl ort ach a chinntiú go bhfuil an comhad deimhnithe sábháilte ar do ríomhaire nó gléas móibíleach.

Tá deimhnithe Digiteacha ROS bailí ar feadh suas le dhá bhliain.  Iarrfar ort do deimhniú a athnuachan sula dtéann sé in éag.

Cén chaoi a bhfaighim deimhniú digiteach ROS?

Ní mór duit a bheith cláraithe le haghaidh cáin a bhaineann le gnó agus na céimeanna clárúcháin a chomhlánú. 

Má chailleann tú do dheimhniú digiteach nó do phasfhocal, ba chóir duit iarratas a dhéanamh ar dheimhniú nua.  Tá Athshocraigh Logáil isteach ROS mar rogha agat, nó féadfaidh sé go mbeidh ort dul i dteagmháil linn.

Cén chaoi le deimhniú digiteach ROS a athnuachan ?

Má tá an deimhniú digiteach dlite le hathnuachan, iarrfar ort athnuachan a dhéanamh nuair a logálann tú isteach ar ROS.  Iarrfar ort an pasfhocal a athrú agus gheobhaidh tú deimhniú nua, nach mór duit a shábháil ar do ghléas.  Beidh an t-ainm céanna ag do dheimhniú athnuaite le pasfhocal difriúil ó do dheimhniú roimhe seo agus beidh sé  bailí suas le dhá bhliain.

Má tá aon deacrachtaí agat deimhniú a athnuachan, bain triail as ár moltaí .