Athshocraigh logáil isteach le haghaidh ROS
Más tusa an Riarthóir ROS agus má tá deacrachtaí agat le logáil isteach ar ROS, bain triail as na céimeanna fabhtcheartaithe sa rannán ar Logáil isteach ar ROS.
Más rud é nach bhfuil tú fós in ann logáil isteach ar ROS, féadtar triail a bhaint as an rogha Athshocraigh logáil isteach ROS. Má leanann tú ar aghaidh leis an rogha seo, cuirfear gach deimhniú fo-úsáideora agus ceangailte ar fionraí.
Ní bheidh fáil ar an rochtain uile ar ROS go dtí go ndéanann tú deimhniú nua Riarthóra a íoslódáil.
Féadfaidh sé go mbeidh ort dul chuig an gcluaisín 'Riarachán seirbhísí' in ROS agus na fo-úsáideoirí a athbhunú.
Chun do Logáil Isteach le haghaidh ROS a athshocrú is gá an méid seo a leanas a dhéanamh:
- dhá cheist slándála a fhreagairt
- agus
- do sheoladh ríomhphoist nó uimhir fóin póca, mar atá ar an gcluaisín próifíl ROS, a dheimhniú chun an próiseas a chomhlánú.
Mura bhfuil ceisteanna slándála socraithe agat, nó má tá do shonraí teagmhála as dáta, déan teagmháil leis an Deasc chabhrach ROS.
Chun tuilleadh eolais a fháil ar an gcaoi le do logáil isteach le haghaidh ROS a athshocrú féach ar an treoirleabhar Reset ROS login.
Má tá rochtain agat ar moChúrsaí, féadtar do logáil isteach pearsanta ROS a athshocrú le moChúrsaí. Más mian leat é seo a dhéanamh, féach ar an treoir Reset ROS Login using myAccount.
Físeán ar an logáil Isteach le haghaidh ROS a athshocrú
D'fhéadfadh roinnt ábhar san fhíseán thíos a bheith difriúil mar gheall ar nuashonruithe leanúnacha an chomhéadain úsáideora. Tá an fheidhmiúlacht mar an gcéanna.