Táillí teagaisc íoctha le haghaidh oideachas tríú leibhéal
Cén chaoi a ríomhtar an faoiseamh?
Gheobhaidh tú faoiseamh ag an ráta caighdeánach cánach, is é sin 20%. Feidhmítear é seo ar iomlán na dtáillí cáilitheacha nuair atá an tsuim neamhairde bainte de.
Tabhair do d’aire
Féadtar táillí teagaisc a íoc i dtráthíocaíochtaí. Tugtar míniú i ‘Táillí teagaisc a íoc i dtráthíocaíochtaí’ ar an tionchar a bhíonn aige seo ar an gcaoi a ríomhtar faoiseamh.
Céard is táillí cáilitheacha ann?
Is éard is táille cháilitheach ann ná an tsuim a íocann tú i leith táillí teagaisc (ranníocaíocht an mhic léinn san áireamh). An t-uasmhéid a fhéadtar a éileamh ná €7,000 an duine an cúrsa.
Tá an t-uasmhéid €7,000 i bhfeidhm ar gach cúrsa do gach bliain acadúil.
Níl faoiseamh ar fáil le haghaidh táillí breise amhail na samplaí seo a leanas:
- táillí riaracháin
- tobhach an mhic léinn
- muirear d’ionaid spóirt
- agus
- tobhach Aontas na Mac Léinn in Éirinn.
Céard is suim neamhairde ann?
Tá gach éileamh faoi réir suim neamhairde aonair i leith gach bliain chánach. Baintear an tsuim seo ó iomlán do tháillí cáilitheacha. Ní fhéadtar faoiseamh a éileamh ach amháin ar an sciar de na táillí a bhfuil neamhaird déanta orthu.
Má d’íoc tú táillí i leith níos mó ná cúrsa nó mac léinn amháin, ná bain an tsuim neamhairde uaidh ach uair amháin. Is é an éifeacht atá aige seo ná go bhfaigheann éilitheoirí faoiseamh cánach iomlán ar tháillí cáilitheacha agus íocaíochtaí le haghaidh mic léinn ina dhiaidh sin.
Tá suimeanna neamhairde éagsúla i gceist le haghaidh cúrsaí lánaimseartha agus cúrsaí páirtaimseartha. Is é an tsuim neamhairde ná €3,000 i leith cúrsa lánaimseartha agus €1,500 i leith cúrsa páirtaimseartha.
Féadfaidh sé gur íoc tú as cúrsaí lánaimseartha agus cúrsaí páirtaimseartha sa bhliain chéanna. Sa chás seo, ba chóir duit úsáid a bhaint as an tsuim neamhairde le haghaidh cúrsa lánaimseartha.
Faoiseamh le haghaidh níos mó ná cúrsa amháin
Féadfaidh sé go bhfuil níos mó ná cúrsa amháin tríú leibhéal á dhéanamh agat ag an am céanna. Níl aon srian ar líon na gcúrsaí a fhéadtar a chur san áireamh. Déanann tú éileamh i leith faoisimh ar shuim iomlán na dtáillí cáilitheacha a íocann tú. Tá gach cúrsa faoi réir uasmhéid €7,000.
Feidhmítear suim neamhairde aonair ar an éileamh.
Faoiseamh ar tháillí ag níos mó ná mac léinn amháin
Féadtar faoiseamh a éileamh ar tháillí teagaisc mic léinn amháin, nó breis agus mac léinn amháin. Níl aon teorainn ar an líon mac léinn ná líon na gcúrsaí a dhéanann siad, fad is a íocann tú na táillí. Tá an táille cháilitheach i leith gach cúrsa faoi réir uasmhéid €7,000.
Feidhmítear suim neamhairde aonair ar an éileamh.
- Sampla 1
Thosaigh Máire cúrsa lánaimseartha i gcoláiste poiblí in 2023. Tá sí incháilithe do scéim na dtáillí in aisce, ach caithfidh sí an ranníocaíocht mic léinn €3,000, tobhach mic léinn €247 agus táillí caipitíochta €120 a íoc.
Níl faoiseamh ar fáil ar an tobhach mic léinn ná táillí caipitíochta.
Ní mór di an tsuim neamhairde €3,000 a dhealú ón ranníocaíocht mic léinn €3,000.
Tá sí fágtha le náid. Ní fhéadann sí faoiseamh cánach a éileamh i leith táillí teagaisc in 2023.
- Sampla 2
Íocann Seán táillí teagaisc €5,500 agus an ranníocaíocht mic léinn €3,000 agus tobhach mhic léinn €247 i leith cúrsa lánaimseartha in 2023. Íocann sé táille cháilitheach iomlán de €8,500. Ní cháilíonn an tobhach mic léinn €247 le haghaidh faoisimh. €7,000 an t-uasmhéid a fhéadann sé éileamh a dhéanamh ina leith.
Ríomh faoisimh Sheáin
| |
Suim |
| Táille cháilitheach |
€7,000 |
| Dealaigh an tsuim neamhairde lánaimseartha |
€3,000 |
| An tsuim lena mbaineann an faoiseamh |
€4,000 |
| Faoiseamh cánach faighte (20%) |
€800 |
- Sampla 3
D’íoc Oscar táillí teagaisc le haghaidh a bheirt leanaí in 2022.
Somhairle: Cúrsa lánaimseartha €9,000.
Ailín: Cúrsa páirtaimseartha €3,500.
Táillí cáilitheacha:
Somhairle – €7,000 (Tá táillí €9,000 teoranta don uasteorainn €7,000).
Ailín – €3,500
Ríomh faoisimh cánach Oscar
| |
Suim |
| Suim cháilitheach do Shomhairle |
€7,000 |
| Suim cháilitheach d’Ailín |
€3,500 |
| Iomlán na dtáillí cáilitheacha |
€10,500 |
| Dealaigh an tsuim neamhairde lánaimseartha |
€3,000 |
| An tsuim lena mbaineann an faoiseamh |
€7,500 |
| Faoiseamh cánach faighte (20%) |
€1,500 |
- Sampla 4
D’íoc Laoise táillí teagaisc €9,000 (agus an ranníocaíocht mic léinn €3,000 san áireamh) i leith cúrsa páirtaimseartha in 2022.
Tá sí faoi réir na huasteorann €7,000. Ní fhéadann sí faoiseamh a éileamh ach amháin i leith €7,000.
Ríomh faoisimh Laoise
| |
Suim |
| Táille cháilitheach |
€7,000 |
| Dealaigh an tsuim neamhairde pháirtaimseartha |
€1,500 |
| An tsuim lena mbaineann an faoiseamh |
€5,500 |
| Faoiseamh cánach faighte (20%) |
€1,100 |
- Sampla 5
D’íoc Saorbhreathach táillí teagaisc dó féin agus dá bhean chéile in 2023. D’íoc sé €8,000 i leith cúrsa lánaimseartha agus €9,000 i leith cúrsa lánaimseartha a mná céile.
Tá sé faoi réir na huasteorann €7,000 i leith gach cúrsa. Ní fhéadann sé faoiseamh a éileamh ach amháin i leith €14,000.
Ríomh faoisimh cánach Shaorbhreathaigh
| |
Suim |
| Táille cháilitheach dá chúrsa lánaimseartha |
€7,000 |
| Táille cháilitheach do chúrsa páirtaimseartha a mná chéile |
€7,000 |
| Suim iomlán na dtáillí cáilitheacha |
€14,000 |
| Dealaigh an tsuim neamhairde lánaimseartha |
€3,000 |
| An tsuim lena mbaineann an faoiseamh |
€11,000 |
| Faoiseamh cánach faighte |
€2,200 |
Ar aghaidh: Srianta