Táillí teagaisc íoctha le haghaidh oideachas tríú leibhéal

Sampla 1

D’íoc Siubhán táillí teagaisc i leith cúrsa lánaimseartha a thosaigh in 2022 ar chostas €7,000. Mhair an cúrsa naoi mí agus tháinig deireadh leis in 2023. D’íoc sí tráthíocaíocht táille amháin €3,500 i mí Mheán Fómhair 2022, agus an dara tráthíocaíocht €3,500 i mí Eanáir 2023.

Tá dhá rogha ag Siubhán:

Rogha a haon

D’fhéadfadh sí faoiseamh a éileamh ar €7,000 le haghaidh na bliana cánach 2022.

Ní mór di an tsuim neamhairde €3,000 a dhealú ó shuim na táillí de €7,000. Tá sí fágtha le €4,000. Ceadaítear faoiseamh cánach 20% di, is é sin €800.

Rogha a dó

D’fhéadfadh sí faoiseamh a éileamh i leith €3,500 in 2022 agus €3,500 in 2023.

I gcás 2022, ní mór di an tsuim neamhairde €3,000 a bhaint ó shuim na táillí de €3,500. Tá sí fágtha le €500. Ceadaítear faoiseamh cánach 20% di, is é sin €100.

I gcás 2023, ní mór di an tsuim neamhairde €3,000 a bhaint ó shuim na táillí €3,500. Tá sí fágtha le €500. Ceadaítear faoiseamh cánach 20% di, is é sin €100.

Is é suim iomlán an fhaoisimh i leith Rogha a Dó ná €200.

Tá buntáiste níos mó ann do Shiubhán faoiseamh a éileamh trí Rogha a hAon.

D’íoc Seán táillí teagaisc le haghaidh Áine agus Liam mar seo a leanas:

Táillí €18,000 don Bhliain Acadúil 2021/2022 i leith Áine.

€9,000 íoctha i Méan Fómhair 2021 agus €9,000 íoctha in Eanáir 2022.

Táillí €3,000 don Bhliain Acadúil 2022/2023 i leith Liam íoctha i Meán Fómhair 2022.

Tá dhá rogha ag Seán.

* Níl aon fhaoiseamh dlite le haghaidh €9,000 i mí Eanáir 2022. Tá an t-uasfaoiseamh €7,000 don bhliain acadúil 2021/2022 ceadaithe don chúrsa seo cheana féin.

Tabhair do d’aire

Tá an t-uasfaoiseamh €7,000 i bhfeidhm ar tháillí íoctha le haghaidh gach bliain acadúil de chúrsa. Tá an tsuim neamhairde €3,000 i bhfeidhm ar éileamh déanta le linn bliain chánach.