Baile   Creidmheasanna cánach pearsanta, faoisimh agus díolúintí   Infheistíocht  

Faoiseamh chun do Ghnó féin a chur ar Bun

  1. Léargas ginearálta
  2. Cé a cháilíonn don fhaoiseamh seo?
  3. An gcuirfear aon srianta ar do ghnó?
  4. Cén chaoi a ndéanfaidh tú iarratas ar an bhfaoiseamh?
  5. Cén chaoi a ríomhfaidh tú an faoiseamh?
  6. Céard a tharlaíonn má dhéanann tú caillteanas sa chéad bhliain?

Céard a tharlaíonn má dhéanann tú caillteanas sa chéad bhliain?

De ghnáth má dhéanann tú caillteanas i mbliain, ní mór duit an caillteanas sin a úsáid i gcoinne na mbrabús an bhliain dar gcionn. Úsáidtear faoiseamh faoin bhFaoiseamh chun do Ghnó Féin a Chur ar Bun sula n-éilíonn tú faoiseamh ar chaillteanais chun cinn. Dá bhrí sin, i gcás ina ndéanann tú caillteanas i mbliain 1, ní mór duit an Faoiseamh chun do Ghnó Féin a Chur ar Bun a éileamh i mbliain 2 sula ndéanfaidh tú éileamh ar fhaoiseamh ar aon chaillteanais a rinne tú sa chéad bhliain. Cinntíonn sé sin má dhéanann tú caillteanas, go bhfaighidh tú an luach iarbhír le haghaidh na gcaillteanas sin i mblianta amach anseo.

  • Sampla 1

    Cáilíonn Susan don Fhaoiseamh chun do Ghnó Féin a Chur ar Bun. Chuir sí a gnó ar bun an 1 Eanáir 2014 agus rinne sí a cuntais suas go dtí an 31 Nollaig gach bliain. In 2014 rinne sí caillteanas €10,000 ach in 2015 rinne sí brabús €15,000.

    Éilíonn Susan Faoiseamh chun do Ghnó Féin a Chur ar Bun i gcoinne na mbrabús €15,000 in 2015. Féadfaidh sí an caillteanas €10,000 a thabhairt ar aghaidh chun é a fhritháireamh i gcoinne a brabúis in 2016.

Liúntais Chaipitil

Ní mór duit an Faoiseamh chun do Ghnó Féin a Chur ar Bun a úsáid sula ndéanann tú éileamh ar liúntais chaipitil. Féadfaidh tú aon suimeanna neamhúsáidte de liúntais chaipitil a thabhairt ar aghaidh le húsáid amach anseo.

  • Sampla 2

    Cáilíonn Sam don Fhaoiseamh chun do Ghnó Féin a Chur ar Bun. Chuir sí a gnó ar bun an 1 Eanáir 2014 agus rinne sí a cuntais suas go dtí an 31 Nollaig gach bliain. In 2014 rinne sí brabús €3,000 agus in 2015 rinne sí brabús €15,000. Ceadaítear liúntais chaipitil de €2,500 di gach bliain.

    I mbliain 1, éilíonn Sam an Faoiseamh chun do Ghnó Féin a Chur ar Bun i gcoinne an bhrabúis €3,000 agus mar sin tá sí in ann na liúntais chaipitil €2,500 a thabhairt ar aghaidh.

    I mbliain 2, éilíonn Sam Faoiseamh chun do Ghnó Féin a Chur ar Bun i gcoinne an bhrabúis €15,000. Féadfaidh sí na liúntais chaipitil de €2,500 ó 2015 a thabhairt ar aghaidh, agus na liúntais chaipitil de €2,500 ó 2014. Féadfar iad sin a úsáid i gcoinne a brabúis in 2016.

    I mbliain 3, beidh €5,000 de liúntais chaipitil ag Sam a thug sí ar aghaidh chun aon bhrabúis a eascróidh in 2016 a fhritháireamh.

Foilsithe: 30 Eanáir 2023 Priontáil an leathanach seo

Leathanach baile Ar ais go barr