Baile   Creidmheasanna cánach pearsanta, faoisimh agus díolúintí   Infheistíocht  

Faoiseamh chun do Ghnó féin a chur ar Bun

  1. Léargas ginearálta
  2. Cé a cháilíonn don fhaoiseamh seo?
  3. An gcuirfear aon srianta ar do ghnó?
  4. Cén chaoi a ndéanfaidh tú iarratas ar an bhfaoiseamh?
  5. Cén chaoi a ríomhfaidh tú an faoiseamh?
  6. Céard a tharlaíonn má dhéanann tú caillteanas sa chéad bhliain?

Cé a cháilíonn don fhaoiseamh seo?

Féadafaidh sé go gcáileofá don fhaoiseamh seo má tá tú dífhostaithe le 12 mhí nó níos faide. I rith an 12 mhí sin, ní mór duit ceann díobh seo a leanas a bheith faighte agat mar atá leagtha síos ar shuíomh idirlín na Roinne Coimirce Sóisialaí (RCS): 

  • Ranníocaíochtaí ÁSPC Creidiúna
  • Liúntas Cuardaitheora Poist
  • Sochar Cuardaitheora Poist
  • Íocaíocht Teaghlaigh Aontuismitheora
  • Íocaíocht Cumais Pháirtigh.

Sosanna i Sochar nó i Liúntas Cuardaitheora Poist

Féadfaidh sé go raibh briseadh agat i d'éileamh ar Shochar nó ar Liúntas Cuardaitheora Poist. In imthosca áirithe féadfaidh sé go gcáileofá fós don Fhaoiseamh chun do Ghnó Féin a chur ar bun.

Fostaíocht a ghlacadh nár oibrigh amach

D'fhéadfadh sé tarlú go gcaithfidh tú stop a chur le Liúntas nó Sochar Cuardaitheora Poist a éileamh chun tús a chur le post nua. Mura n-oibríonn an post sin amach, féadfaidh sé go mbeidh tú in ann Liúntas nó Sochar Cuardaitheora Poist a éileamh arís.

Dífhostaíocht fhadtéarmach a chinneadh

Má dhéanann tú Sochar/Liúntas Cuardaitheora Poist a aiséileamh laistigh de thréimhse 12 mhí, ríomhtar do thréimhse dífhostaíochta fadtéarmach trí do:

  • tréimhse dífhostaíochta reatha
  • agus
  • tréimhse dífhostaíochta roimhe sin.

Tabhair do d'aire

Ní fhéadfaidh tú ach dhá thréimhse dífhostaíochta a nascadh mura bhfuil ach tréimhse 12 mhí eatarthu.

  • Sampla 1

    Bhí Joan ag fáil Liúntas Cuardaitheora Poist ar feadh deich mí. Fuair sí post ach níor oibrigh rudaí amach di agus tar éis dhá mhí bhí sí ag fáil Liúntas Cuardaitheora Poist arís. Mhair a tréimhse dífhostaíochta reatha 4 mhí go dtí seo agus tá sé i gceist aici gnó nua a bhunú. An bhfuil sí in ann leas a bhaint as an bhfaoiseamh seo?

    Tá. Beidh tréimhse dífhostaíochta deich mí Joan nasctha lena tréimhse 4 mhí, rud a thugann tréimhse iomlán dífhostaíochta de 14 mhí di. Tabhair faoi deara nach bhfuil an nasc seo ann ach amháin nuair a bhíonn an dá thréimhse dífhostaíochta scartha ag níos lú ná 12 mhí.

  • Sampla 2

    Bhí John ag fáil Liúntas Cuardaitheora Poist ar feadh 6 mhí. Chuaigh sé ar an scéim um Fhilleadh ar Oideachas ansin ar feadh mí amháin. Tar éis na scéime sin, fuair sé Liúntas Cuardaitheora Poist arís ar feadh cúig mhí. Nuair a bhítear ag ríomh an fhaoisimh sin, bhí John dífhostaithe ar feadh 12 mhí (6 mhí agus mí amháin agus 5 mhí) agus bhí sé ag fáil Liúntas Cuardaitheora Poist ar feadh an tréimshe sin.

  • Sampla 3

    Le dhá bhliain anuas, bhí Billy ag obair 3 lá sa tseachtain agus ag fáil Liúntas Cuardaitheora Poist don 3 lá eile. Tá sé i gceist aige gnó nua a chur ar bun. An bhféadfaidh sé leas a bhaint as an bhfaoiseamh seo?

    Féadfaidh sé. Féachann an Roinn Coimirce Sóisialaí ar Billy mar dhuine a bhí dífhostaithe agus ag fáil Liúntas Cuardaitheora Poist ar feadh 312 lá (trí lá sa tseachtain ar feadh 104 seachtain), atá ionann le 12 mhí dífhostaíochta.

    Mura bhfuil tú cinnte cibé an gcáilíonn tú mar dhuine atá dífhostaithe go fadtéarmach, téigh i dteagmháil le d'oifig Leasa Shóisialaigh.

Ar aghaidh: An gcuirfear aon srianta ar do ghnó?

Foilsithe: 30 Eanáir 2023 Priontáil an leathanach seo

Leathanach baile Ar ais go barr