Faoiseamh i leith Seomra a Ligean ar Cíos

Cén chaoi a gcuirtear an Faoiseamh i leith Seomra a ligean ar Cíos i bhfeidhm?

Ní mór duit an tsuim ioncaim dhíolmhaithe a chur isteach ar:

• do Thuairisceán Cánach Ioncaim (Foirm 11) le Seirbhís ar Líne na gCoimisinéirí Ioncaim (ROS) má tá tú faoin mbonn féinmheasúnaithe
• nó
• do Thuairisceán Cánach Ioncaim (Foirm 12) le moChúrsaí má tá tú cláraithe le haghaidh Íoca Mar a Thuillir (ÍMAT).

Tá teorainn ama ceithre bliana ina bhféadtar an faoiseamh i leith seomra a ligean ar cíos a chur i bhfeidhm. Tá sé seo tábhachtach má bhí cáin á híoc agat i gcónaí ar d’ioncam cíosa nuair ba chóir don ioncam sin a bheith díolmhaithe.

Féadtar an t-ioncam lena mbaineann an faoiseamh i leith seomra a ligean ar cíos a chur san áireamh ar do Thuairisceán Cánach Ioncaim (foirm 12), ar moChúrsaí mar seo a leanas:

1. Sínigh isteach ar moChúrsaí.
2. Cliceáil ar ‘Déan athbhreithniú ar do cháin don 4 bliana roimhe seo' faoin gcluaisín ‘Seirbhísí ÍMAT’.
3. Roghnaigh 'Iarratas' ar Ráiteas Dliteanais, don bhliain chánach ar mian leat éileamh a dhéanamh ina leith.
4. Cliceáil ar ‘Tosaigh’ ar an scáileán ‘Comhlánaigh do Thuairisceán Cánach Ioncaim’.
5. Ar an leathanach ‘Creidmheasanna & Faoisimh Chánach’, cliceáil ar ‘Tú féin agus do theaghlach’ faoi ‘cuir creidmheasanna cánach leis’.
6. Roghnaigh 'Faoiseamh i leith Seomra a Ligean ar Cíos' agus cuir isteach d'ioncam Comhlán Cíosa don bhliain chánach, ansin cliceáil ar 'Cuir Leis'.
7. Cuir tic sa bhosca 'deimhnigh gach rud' agus cliceáil ar 'Ar Aghaidh'.
8. Comhlánaigh, sínigh agus tíolaic an fhoirm.

Díroghnú

Mura mian leat an faoiseamh seo a fháil, féadtar iarraidh go ngearrfaí cáin ar an ioncam. Ní mór duit an t-iarratas a sheoladh:

• trí M’Fhiosruithe in moChúrsaí.
• nó
• i scríbhinn chuig d’oifig de chuid na gCoimisinéirí Ioncaim.

Ní mór duit é seo a dhéanamh ar an dáta tíolactha tuairisceáin cánach, nó roimhe sin.

An t-ioncam a dhearbhú

Ní mór duit an t-ioncam ó chíos a dhearbhú, fiú nuair atá sé díolmhaithe ó Cháin Ioncaim mar gheall ar an bhFaoiseamh i leith Seomra ar Cíos.

Dearbhaítear an t-ioncam ar an gcaoi chéanna a n-éilítear an faoiseamh, is é sin:

• Tuairisceán Cánach Ioncaim (Foirm 11) ag baint úsáid as Seirbhís ar Líne na gCoimisinéirí Ioncaim (ROS) má tá tú faoin mbonn féinmheasúnaithe
• nó
• Tuairisceán Cánach Ioncaim (Foirm 12) ag baint úsáid as moChúrsaí má íocann tú cáin tríd an gcóras Íoca Mar a Thuillir (ÍMAT).

Ar aghaidh: Cén cineál áit chónaithe a cháilítear?