Íocaíochtaí cnapshuime

Íocaíochtaí foirceanta eile atá díolmhaithe ó cháin

Iomarcaíocht reachtúil

Má rinneadh iomarcach thú, d’fhéadfá cáiliú d'íocaíocht cnapshuime faoin Acht um Íocaíochtaí Iomarcaíochta 1967. Tá an íocaíocht seo díolmhaithe ó Cháin Ioncaim agus ón Muirear Sóisialach Uilíoch (MSU). Chun tuilleadh eolais a fháil ar do theidlíochtaí, féach an t-áireamhán iomarcaíochta ar an suíomh idirlín MyWelfare .

Íocaíochtaí Asleagain a bhaineann le Covid-19 (CRLP)

Má leag d’fhostóir as thú mar gheall ar shrianta sláinte phoiblí COVID-19, d’fhéadfadh sé go raibh tú i dteideal CRLP. Ba chóir go mbeadh iarratas déanta ar do shon ag d’fhostóir chuig An Roinn Coimirce Sóisialaí ar an íocaíocht seo. Tá an CRLP díolmhaithe ó Cháin Ioncaim agus MSU.

Díolúine d'athoiliúint ar iomarcaíocht

Má íocann d'fhostóir an costas a bhaineann le tú a athoiliúint mar chuid de phacáiste iomarcaíochta, beidh an costas seo díolmhaithe ó Cháin Ioncaim ar choinníoll:

• má tá níos mó ná dhá bhliain de sheirbhís leanúnach agat le d'fhostóir
• tá an athoiliúint mar chuid de phacáiste iomarcaíochta
• tá an athoiliúint deartha chun feabhas a chur ar do scileanna nó ar d'eolas chun cabhrú le fostaíocht a fháil nó gnó a bhunú
• cuirtear an athoiliúint i gcrích laistigh de shé mhí ón iomarcaíocht
• agus
• níl an costas níos mó ná €5,000.

Íocaíochtaí a rinneadh mar gheall ar bhás, gortú nó míchumas

D’fhéadfá íocaíocht chúitimh a fháil má dhéanann timpiste san ionad oibre:

• gortú duit a chuireann cosc ort leanúint ar aghaidh ag obair do d’fhostóir
• nó
• is cúis le do bhás.

Féadfaidh aon íocaíochtaí a dhéantar sna cúinsí seo a bheith díolmhaithe ó Cháin Ioncaim agus MSU suas le teorainn saoil €200,000.

Scéim um Bhás i Seirbhís COVID-19 d'Oibrithe Cúraim Sláinte

Tá an Scéim um Bhás i Seirbhís COVID-19 d'Oibrithe Cúraim Sláinte díolmhaithe ó Cháin Ioncaim agus ó Cháin Fháltas Caipitiúil araon.

Ar aghaidh: Sochar Caighdeánach Aoisliúntais Caipitil