An Tionscnamh Cathrach Beo (TCB)

Coinníollacha i leith éilimh agus úsáid na maoine

Coinníollacha maidir le héileamh a dhéanamh

Tá roinnt coinníollacha comónta ann i dtaca le gach ceann de na trí fhaoiseamh a éileamh faoin Tionscnamh Cathrach Beo (TCB). Is é sin:

• nach mór go mbeadh do mhaoin suite taobh istigh de Limistéar Speisialta Athnuachana (LSA)
• ní mór go gcuirfí an obair i gcrích le linn na tréimhse incháilithe
• agus
• ní mór go gcosnódh na costais athchóirithe níos mó ná €5,000.

Faoiseamh Úinéara–Áititheoir Chónaithigh

Coinníollacha sonracha chun éileamh a dhéanamh:

• Ní mór do mhaoin a bheith tógtha roimh 1915.
• Ní mór Litir Dheimhnithe i leith na maoine a bheith agat ó d’Údarás Áitiúil.
• Ní mór thusa a bheith ar an gcéad áititheoir tar éis an obair a bheith críochnaithe.
• Ní mór an mhaoin a bheith ar an aon áit chónaithe atá agat nó gurb é do phríomháit chónaithe é.

Féadtar do chéad éileamh ar fhaoiseamh a dhéanamh tar éis don obair a bheith críochnaithe. Ní mór duit a bheith ag úsáid na maoine mar do phríomháit chónaithe sular féidir leat éileamh a dhéanamh. Mura bhfuil an chéad úsáid den mhaoin mar do phríomháit chónaithe, ní fhéadtar an faoiseamh a éileamh. Ní fhéadtar an faoiseamh a éileamh ach thar thréimhse deich mbliana amháin. Tosaíonn an tréimhse deich mbliana seo sa bhliain a úsáideann tú an mhaoin den chéad uair mar do phríomháit chónaithe tar éis obair athchóirithe nó tiontaithe.

Má bhogann tú, ach mura ndíolann tú an mhaoin laistigh den tréimhse deich mbliana, féadfaidh sé seo difear a dhéanamh do d'éileamh. Féadtar an faoiseamh a éileamh don bhliain a bhog tú ar an gcoinníoll gurbh é do phríomháit chónaithe don bhliain sin. Féadtar faoiseamh a éileamh don bhliain ar bhog tú ar ais ar an gcoinníoll go bhfuil sé laistigh de na deich mbliana agus gurb é do phríomháit chónaithe é.

Má fhaigheann tú bás le linn na tréimhse deich mbliana, ní thugtar an faoiseamh ar aghaidh chuig duine eile. Ní fhéadfaidh an faoiseamh a bheith mar chuid d’oidhreacht. Níl aon aisghlámadh ar an bhfaoiseamh atá tugtha cheana féin.

Maoin a dhíol le linn na tréimhse deich mbliana

Má dhíolann tú an mhaoin le linn na tréimhse deich mbliana, ní dhéanfar aisghlámadh ar d’Fhaoiseamh Úinéara-Áititheora. Ní fhéadtar a thuilleadh faoisimh a éileamh ón tráth a stopann an mhaoin a bheith mar an aon áit chónaithe atá agat, nó mar do phríomháit chónaithe. Féadtar an faoiseamh a éileamh don bhliain a dhíol tú, áfach, ar an gcoinníoll gurbh é do phríomháit chónaithe é.

Ní fhéadfaidh ach an chéad úinéir-áititheoir ar mhaoin faoiseamh a éileamh tar éis é a athrú nó a athchóiriú. Más tú an dara húinéir, nó ina theannta sin, úinéir ar mhaoin incháilithe, ní fhéadann tú aon fhaoiseamh a éileamh.

An Faoiseamh Cíosa Cónaithe:

Tá coinníollacha sonracha ann chun éileamh a dhéanamh:

• Ní mór do mhaoin a bheith tógtha den chéad uair roimh 1915.
• Ní mór do mhaoin a bheith ligthe ar cíos, tar éis í a athrú nó a athchóiriú, lena húsáid mar áit chónaithe ag an tionónta.
• agus
• Ní mór Litir Dheimhnithe a bheith agat ó d’Údarás Áitiúil.

Faoiseamh Tráchtála

Ní mór an mhaoin a úsáid, tar éis í a athrú nó a athchóiriú, ar cheann amháin de na bealaí seo a leanas:

• chun críocha miondíola
• chun seirbhísí a sholáthar taobh istigh d’Éirinn
• agus
• ligthe ar cíos ar théarmaí tráchtála chun na críocha thuas.

Deontais

Féadfaidh sé go bhfuil tú i dteideal deontas nó airgead a éileamh nó a fháil i leith an chostais do mhaoin a athrú nó a athchóiriú. Má tá, beidh tionchar aige seo ar an tsuim a fhéadann tú a éileamh faoin TCB.

Faoiseamh Úinéara–Áititheoir Chónaithe

Nuair a bhíonn na costais incháilithe á ríomh agat chun an TCB a éileamh, ní mór duit asbhaintí a dhéanamh i leith gach deontais nó airgead a fhaigheann tú, nó atá tú ceadaithe a fháil, ón méid seo a leanas:

• an Stát
• aon bhord bunaithe ag an dlí
• agus
• aon údarás poiblí.

An Faoiseamh Cíosa Cónaithe agus Faoiseamh Tráchtála

Nuair a bhíonn na costais cháilitheacha á ríomh, ní mór duit d’éileamh TCB a laghdú faoi thrí huaire mhéid an deontais a fuair tú, nó a gheobhaidh tú.

Ar aghaidh: Faoiseamh cíosa cónaitheach agus faoiseamh cíosa tráchtálaFaoiseamh cíosa cónaitheach agus faoiseamh cíosa tráchtála