Do Mhuirear Cánach Maoine Áitiúla a íoc

Do shonraí bainc a athrú le haghaidh CMÁ

Dochar Díreach Míosúil (MDD)

Má d’athraigh tú do chuntas bainc le déanaí, ba chóir duit do mhodh íocaíochta CMÁ a nuashonrú má íocann tú do mhuirear CMÁ trí Dhochar Díreach Míosúil (MDD).

Tabhair do d'aire

Má íocann tú trí do thuarastal, pá nó pinsean, ní gá duit aon athruithe a dhéanamh.

Is é an bealach is éasca chun do MDD a athrú ná trí do shonraí bainc a nuashonrú ar an Tairseach CMÁ.

Chun seo a dhéanamh:

1. Logáil isteach ar an Tairseach CMÁ ( beidh d' Uimhir Phearsanta Seirbhíse Poiblí (UPSP), Aitheantas Maoine uathúil agus UAP slán ag teastáil uait).
2. Roghnaigh ‘Athraigh Modh Íocaíochta’ i gCéim 2.
3. Cuir isteach do IBAN nua agus roghnaigh 'Lean ar aghaidh'.
4. Cliceáil ar an gcnaipe ‘Tíolaic Sonraí’ (feicfidh tú admháil).

Treoir Dochair Bhliantúil

Is iondúil go dtógtar Treoir Dochair Bhliantúil (ADI) ó do chuntas ina iomláine i mí an Mhárta gach bliain, ach amháin má tá dáta níos luaithe socraithe agat.

Chun ADI a shocrú, lean na céimeanna seo thíos:

1. Logáil isteach ar an Tairseach CMÁ (teastóidh d'Uimhir Phearsanta Seirbhíse Poiblí (UPSP) uait, Uimhir Aitheantais Maoine uathúil agus UAP slán).
2. Roghnaigh 'Socraigh Modh Íocaíochta' i gCéim 2.
3. Cuir isteach do IBAN nua agus roghnaigh 'Lean ar aghaidh'.
4. Cliceáil ar an gcnaipe 'Tíolaic Sonraí' (feicfidh tú admháil).

Ar aghaidh: Dátaí íocaíochta CMÁ le haghaidh 2025