Do Mhuirear Cánach Maoine Áitiúla a íoc

Léargas ginearálta

Tabhair do d'aire

Má tháinig do mhaoin de bheith faoi dhliteanas, ní mór duit do mhaoin a luacháil agus do Thuairisceán CMÁ a thíolacadh faoin 2 Nollaig 2024.

Gheobhaidh tú eolas sa rannán seo ar an gcaoi le do Cháin Mhaoine Áitiúil (CMÁ) a íoc.

Cuireann na Coimisinéirí Ioncaim réimse leathan roghanna ar fáil chun CMÁ a íoc. Tá an rogha agat íocaíocht amháin a dhéanamh, nó íocaíochtaí a roinnt thar an mbliain. Féadfaidh tú duine eile a údarú chun d’íocaíochtaí a dhéanamh ar do shon freisin.

Beidh impleachtaí i gceist mura n-íocann tú do mhuirear CMÁ. Chun tuilleadh eolais a fháil, féach Céard a tharlaíonn mura gcomhlíonann tú d’oibleagáidí?

An muirear CMÁ atá le híoc agat a ríomh

Úsáid áireamháin CMÁ de chuid na gCoimisinéirí Ioncaim chun an muirear CMÁ a ríomh.

Tá an muirear CMÁ bunaithe ar an luacháil a rinne tú ar do mhaoin, agus ar an bhFachtóir Coigeartaithe Áitiúil. Le haghaidh tuilleadh eolais, féach An chaoi a ndéantar do mhuirear CMÁ a chinneadh.

D'íocaíocht a shocrú ar líne

Is é an bealach is éasca chun do mhuirear CMÁ a íoc ná ar líne. Cuirtear réimse leathan roghanna íocaíochta ar fáil duit:

• íocaíocht aonair ina hiomláine:
  • cárta dochair nó cárta creidmheasa
  • Treoir Dochair Bhliaintúil (ADI)
• tráthíocaíochtaí chun d’íocaíochtaí a roinnt thar an mbliain:
  • dochar díreach míosúil
  • asbhaint ag an bhfoinse (ó do thuarastal, do phá, do phinsean ceirde, d'íocaíocht ón Roinn Coimirce Sóisialaí nó d'íocaíocht ón Roinn Talmhaíochta, Bia agus Mara).

Chun íocaíocht iomlán a dhéanamh, nó chun socraíocht tráthíocaíochtaí a shocrú, logáil isteach ar an Tairseach CMÁ.

Chomh maith le sin, tá rogha agat an íocaíocht a dhéanamh ina hiomláine, nó ar bhonn céimnithe, trí soláthraí seirbhíse íocaíochta (SSÍ). Is iad An Post agus Payzone na SSÍanna ceadaithe. Féadtar é seo a shocrú ar an Tairseach CMÁ, agus d'íocaíocht/d'íocaíochtaí a dhéanamh ina dhiaidh sin leis an SSÍ.

Más rud é go bhfuil tú faoi dhliteanas CMÁ maidir le níos mó ná maoin amháin, iarrtar ort íocaíocht a dhéanamh trí cheann de na roghanna íocaíochta ar líne.

Ar aghaidh: Do shonraí bainc a athrú le haghaidh CMÁ