Do thuairisceán Cánach Maoine Áitiúla (CMÁ) a thíolacadh

Léargas ginearálta

Gheobhaidh tú eolas sa rannán seo ar an gcaoi le do Thuairisceán CMÁ a thíolacadh.

Is é do Thuairisceán CMÁ an fhoirm a úsáidtear chun banda luachála do mhaoine a dhearbhú do na Coimisinéirí Ioncaim. Tá do mhuirear CMÁ le haghaidh 2022 go dtí 2025 bunaithe ar an mbanda luachála a thíolacann tú i do Thuairisceán CMÁ.

Má bhí do mhaoin faoi dhliteanas CMÁ do 2024, ba chóir go mbeadh do Thuairisceán CMÁ tíolactha cheana féin don tréimhse 2022 go dtí 2025. Mura bhfuil sé sin déanta agat fós, ba chóir duit é a dhéanamh láithreach.

Má tá an tuairisceán seo tíolactha agat, ní gá Tuairisceán CMÁ a thíolacadh le haghaidh 2025.

Maoine a tháinig de bheith faoi dhliteanas

Tiocfaidh do mhaoin de bheith faoi dhliteanas CMÁ in 2025 más amhlaidh:

• gur maoin chónaithe nua-thógtha atá inti a críochnaíodh tar éis an 1 Samhain 2023, agus ar nó roimh an 1 Samhain 2024
• nó
• gur tháinig sí de bheith áitithe, nó feiliúnach le húsáid mar áit chónaithe, tar éis an 1 Samhain 2023, agus ar nó roimh an 1 Samhain 2024.

Má tá do mhaoin faoi dhliteanas nua in 2025, ba chóir go mbeadh do mhaoin luacháilte agat agus do Thuairisceán CMÁ tíolactha agat faoin 2 Nollaig 2024. Mura bhfuil do thuairisceán tíolactha agat go fóill, ba chóir duit é a dhéanamh láithreach.

Tabhair do d'Aire

Ní mór duit do mhaoin a chlárú leis na Coimisinéirí Ioncaim mura raibh sí cláraithe roimhe seo chun críocha CMÁ nó Dleachta Stampa. Le haghaidh tuilleadh eolais, féach Maoin a chlárú le haghaidh na Cánach Maoine Áitiúla (CMÁ).

Níl do mhaoin faoi dhliteanas CMÁ i 2025 más amhlaidh:

• go bhfuil sí á tógáil ar an 1 Samhain 2024
• agus
• nach bhfuil an mhaoin áitithe, nó feiliúnach mar áit chónaithe, ar 1 Samhain 2024.

Chun tuilleadh eolais a fháil maidir le cé acu an bhfuil nó nach bhfuil do mhaoin faoi dhliteanas CMÁ, féach Dliteanas CMÁ.

Féadfaidh sé go mbeadh ort fós Tuairisceán CMÁ a thíolacadh i leith do mhaoine le haghaidh na mblianta 2013 go 2021. Le haghaidh tuilleadh eolais, féach Do Thuairisceán CMÁ le haghaidh 2013-2021 a thíolacadh.

Ar aghaidh: Do Thuairisceán CMÁ a thíolacadh ar líne