Céard is gá a dhéanamh

Léargas ginearálta

Féadfaidh sé go mbeidh tú faoi dhliteanas na Cánach ar Thithe Folmha (CTF) más rud é:

• go bhfuil maoin chónaithe agat
• agus
• go raibh sí in úsáid mar áit chónaithe ar feadh níos lú ná 30 lá ar a laghad sa tréimhse inmhuirir 12 mhí.

Tabhair do d’aire

Ba é an chéad tréimhse inmhuirir le haghaidh CTF ná an 1 Samhain 2022 go dtí an 31 Deireadh Fómhair 2023.

Ba é an dara tréimhse inmhuirir ná an 1 Samhain 2023 go dtí an an 31 Deireadh Fómhair 2024.

Is é an tríú tréimhse inmhuirir ná an 1 Samhain 2024 go dtí an 31 Deireadh Fómhair 2025.

Céimeanna atá le tógáil don dara tréimhse inmhuirir

Ar an 1 Samhain 2024, ní mór duit a chinneadh an raibh do mhaoin chónaithe folamh ar feadh aon tréimhse le linn an dara tréimhse inmhuirir. Ba chóir duit athbhreithniú a dhéanamh ar na sé chéim seo chun tuiscint a fháil ar an méid atá le déanamh agat:

• Céim 1: Déan seiceáil an maoin chónaithe le haghaidh Cáin Mhaoine Áitiúil (CMÁ) í do mhaoin.
• Céim 2: Déan seiceáil an bhfuil feidhm ag CTF ar do mhaoin.
• Céim 3: Déan seiceáil cén fhad a raibh do mhaoin in úsáid.
• Céim 4: Déan seiceáil an bhfuil tú incháilithe le haghaidh díolúine.
• Céim 5: Tíolaic do Thuairisceán CTF.
• Céim 6: Deimhnigh do shocraíocht íocaíochta.

Tabhair do d’aire

Ar an 1 Samhain 2023, ba chóir go mbeadh cinneadh déanta agat an raibh do mhaoin chónaithe folamh ar feadh aon tréimhse le linn na chéad tréimhse inmhuirir. Má bhain CTF le do mhaoin, ba chóir duit na céimeanna ábhartha atá leagtha amach thuas a leanúint. Mura bhfuil sé déanta agat cheana féin, ba chóir duit é a dhéanamh láithreach.

Céard atá le déanamh má dhéanann na Coimisinéirí Ioncaim teagmháil leat faoi do mhaoin

Fiú má tá measúnú déanta agat nach mbaineann CTF le do mhaoin, féadfaidh na Coimisinéirí Ioncaim iarraidh ort fós:

• stádas do mhaoine a dheimhniú
• agus
• Tuairisceán CTF a thíolacadh do do mhaoin, má iarrtar.

Chun stádas na maoine a dheimhniú, féadfaidh sé go n-iarrfaí ort fianaise a chur ar fáil go raibh do mhaoin, le linn na tréimhse inmhuirir:

• áitithe
• díolta
• nó
• go raibh an mhaoin faoi réir tionóntachta cháilitheach.

Chun Tuairisceán CTF a thíolacadh le haghaidh do mhaoine, féadtar úsáid a bhaint as:

• moChúrsaí
• Seirbhís ar Líne na gCoimisinéirí Ioncaim (ROS)
• nó
• an tairseach CMÁ.

Chun tuilleadh eolais a fháil ar do thuairisceán a thíolacadh, féach Céim 5.

Ar aghaidh: Céim 1: Déan seiceáil an maoin chónaithe le haghaidh CMÁ í do mhaoin