Cáin Conarthaí Iomchuí (CCI)

Léargas ginearálta

Is éard is CCI ann ná cáin shiarchoinneálach a bhaineann le híocaíochtaí áirithe ó phríomhchonraitheoirí le fochonraitheoirí sna tionscail tógála, foraoiseachta agus próiseála feola. Is iad 0%, 20% agus 35% na rátaí cánach.

Déantar gach comhlíontacht, tíolacadh agus íocaíocht CCI ar líne trí úsáid a bhaint as Seirbhís Ioncaim Ar-Líne na gCoimisinéirí (ROS). 

Ba chóir do gach príomhchonraitheoir a chinntiú go bhfuil siad cláraithe chun an áis ROS a úsáid mura bhfuil siad cláraithe cheana féin.

Ba chóir d'fhochonraitheoirí clárú le haghaidh ROS freisin chun rochtain a fháil ar shonraí maidir lena n-idirbhearta CCI.

Féadtar clárú le haghaidh CCI agus cánacha eile gnó trí ROS.

Céard iad na gníomhaíochtaí a chlúdaítear faoi CCI?

Tógáil

Áirítear na gníomhaíochtaí tógála seo a leanas faoi CCI:

Tógáil, athrú, deisiúchán, síneadh nó scartáil:

• foirgneamh nó struchtúr

• oibreacha ar cuid den talamh iad.

Suiteáil, athrú nó deisiúchán:

• córais slándála

• córais soilse

• córais téimh

• córais aerchóirithe

• córais fuaimdhíonta

• córais aerála

• córais soláthair cumhachta

• córais draenála

• córais séarachais

• córas soláthair uisce

• córais teileachumarsáide.

Foirgnimh a ghlanadh go hinmheánach agus go seachtrach le linn a dtógála, athraithe nó deisiúcháin (gan gnáthchothabháil san áireamh).

Oibreacha ar cuid ríthábhachtach den obair tógála iad, nó atá ríthábhachtach d’ullmhúchán na hoibre tógála, nó do chríochnú na hoibre tógála. Áirítear leis seo:

• an suíomh a ghlanadh

• créchartadh

• tochailt

• tollánú

• tolladh

• bunsraith a leagan síos

• scafalra a chur suas

• an suíomh a athchóiriú

• tírdhreachú

• róid a sholáthar agus oibreacha eile rochtana.

Oibreacha ar cuid ríthábhachtach den obair tógála iad, nó atá ríthábhachtach d’ullmhúchán na hoibre tógála, nó do chríochnú na hoibre tógála, ar nós druileáil le haghaidh mianraí, ola, gás nádúrtha nó acmhainní eile nádúrtha.

Ábhair nó innealra duine eile a iompar le haghaidh úsáide in aon cheann de na gníomhaíochtaí sa liosta thuas (ar a dtugtar tarlú ar cíos).

Foraoiseacht

Áirítear na gníomhaíochtaí foraoiseachta seo a leanas faoi CCI:

• crainn a thanú, a ghéagscoitheadh, a leagan nó a chur i gcoillte, i bhforaoisí nó i bplandálacha

• coillte, foraoisí nó plandálacha a chothabháil

• talamh a ullmhú le haghaidh plandála (lena n-áirítear coillte nó foraoisí a lománaíodh)

adhmad a tharraingt i muilte sábhadóireachta nó in áitreabh den chineál céanna

• ábhair nó innealra duine eile a iompar le haghaidh úsáide in aon ghníomhaíocht sa liosta thuas (ar a dtugtar tarlú ar cíos).

Próiseáil Feola

Áirítear na gníomhaíochtaí próiseála feola seo a leanas faoi CCI:

• ainmhithe agus éanlaith áirithe a mharú

• gnáth-éan clóis, turcaithe, éanlaith ghuine, lachain nó géanna a ghabháil

• ainmhithe áirithe maraithe agus éanlaith a ghearradh, a dhíchnámhú, a shórtáil, a phacáistiú, a chumhdach nó a bhrandáil (agus aon phróisis eile den chineál céanna)

• conablaigh ainmhithe nó éanlaithe maraithe a chaomhnú nó a leá

• conablaigh a lódáil, a dhílódáil nó a tharlú ag aon áitreabh ina ndéantar na gníomhaíochtaí thuas

• aon áitreabh a ghlanadh ina ndéantar na gníomhaíochtaí thuas

• sicíní lae a ghrádú, a iompar nó a ngnéas a aithint  

• ainmhithe, éanlaith, ábhair, innealra nó earraí duine eile a iompar a bhaineann le haon cheann de na gníomhaíochtaí sa liosta thuas (ar a dtugtar tarlú ar cíos).

Ar aghaidh: CCI do phríomhchonraitheoirí