Feirmeoirí agus iascairí
Cén chaoi le Cáin Bhreisluacha (CBL) ar shoithí agus trealamh iascaireachta mara a aiséileamh
Tugtar míniú sa rannán seo ar an gcaoi a bhféadann iascairí nach bhfuil cláraithe le haghaidh Cáin Bhreisluacha (CBL) aisíocaíochtaí CBL a dhéanamh. Féadtar éilimh ar aisíocaíochtaí CBL a dhéanamh ar chostais soithí agus trealaimh iascaireachta mara.
Soithí iascaireachta le holltonnáiste nach mó ná 15 thonna
Féadtar aisíocaíocht CBL a éileamh ar na soithí seo a cheannach, a iompórtáil, a thógáil ar cíos, a chothabháil agus a dheisiú. Tá sé sin ar choinníoll go raibh an soitheach iascaireachta mar ábhar deontais nó iasachta ón mBord Iascaigh Mhara.
Féadfaidh iascairí freisin aisíocaíocht CBL a éileamh ar threalamh sonraithe iascaireachta a cheannach, a iompórtáil, a thógáil ar cíos, a chothabháil agus a dheisiú. Tá sé sin ar choinníoll go raibh an soitheach iascaireachta mar ábhar deontais nó iasachta ón mBord Iascaigh Mhara.
Soithí iascaireachta le holltonnáiste níos mó ná 15 thonna
Féadtar aisíocaíocht i leith trealaimh do na shoithí seo a éileamh is cuma cé acu an bhfuair nó nach bhfuair an soitheach i gceist deontas nó iasacht.
Ba chóir iarratas ar aisíocaíocht a dhéanamh ar an gcóras ar líne ríomhAisíocaíochtaí.
Ní mór scarbhileog ina sonraítear:
- an soláthraí
- uimhir an tsonraisc
- dáta
- agus
- suim an CBL atá á héileamh
chomh maith le cóip de na sonraisc ar fad a éilíodh CBL/Cáin Ola Mianra ina leith a uaslódáil.
Ní mór iarratais a dhéanamh le haghaidh aisíocaíocht taobh istigh de cheithre bliana ó dheireadh na tréimhse incháinithe lena mbaineann an t-éileamh.
Liosta de threalamh sonraithe iascaireachta
- aimsitheoirí éisc
- ancairí
- báid tarrthála agus raftaí tarrthála
- baoithe agus buimbiléid
- boscaí éisc
- ciseáin iascaireachta
- compáis
- craenacha
- crainn tochrais
- crocha tráil
- doirse tráil
- drumaí eangaigh
- fearas cuisniúcháin
- gaireas radair
- gaireas raidió um áiseanna loingseoireachta
- innill muirí
- macallaghraif
- pumpaí ruma agus deice
- soilse muirí
- sondálaithe eangaigh
- sondálaithe fuaime
- tacair ginte leictreacha
- tarlóirí eangaigh
- teileafóin raidió
- uathphíolótaí
Ar aghaidh: Cén chaoi le Cáin Bhreisluacha (CBL) agus Cáin Ola Mianra ar dhíosal muirí a aiséileamh