Baile   Cáin Bhreisluacha (CBL)   Aisíocaíochtaí le daoine neamhchláraithe  

Feirmeoirí agus iascairí

  1. Léargas ginearálta
  2. Cén chaoi le Cáin Bhreisluacha (CBL) ar chaiteachas áirithe feirme a aiséileamh
  3. Cén chaoi le Cáin Bhreisluacha (CBL) ar shoithí agus trealamh iascaireachta mara a aiséileamh
  4. Cén chaoi le Cáin Bhreisluacha (CBL) agus Cáin Ola Mianra ar dhíosal muirí a aiséileamh

Cén chaoi le Cáin Bhreisluacha (CBL) ar chaiteachas áirithe feirme a aiséileamh

Féadfaidh sé go bhfuil feirmeoirí nach bhfuil cláraithe le haghaidh Cáin Bhreisluacha (CBL) i dteideal CBL i ndáil leis an méid seo a leanas a aiséileamh;

  • tógáil, síneadh, athrú nó atógáil aon fhoirgnimh nó struchtúir feirme
  • fálú, draenáil agus míntíriú talún feirme
  • agus
  • trealamh cáilitheach a thógáil agus, nó a shuiteáil chun críche micreaghiniúint leictreachais lena úsáid i ngnó feirme.

Féach Treoir bhreise le haghaidh tuilleadh eolais ar na haisíocaíochtaí CBL atá ar fáil d'fheirmeoirí ar ráta comhréidh.

Ní mór iarratais a dhéanamh le haghaidh aisíocaíocht CBL taobh istigh de cheithre bliana ó dheireadh na tréimhse incháinithe lena mbaineann an t-éileamh.

Ba chóir gach éileamh ar aisíocaíocht a dhéanamh ar an bhfoirm CBL 58. Féadtar éilimh CBL 58 a thíolacadh ag tráth ar bith, ar an gcoinníoll:

  • nach bhfuil siad níos sine ná ceithre bliana
  • go bhfuil siad á ndéanamh i leith bliain féilire nó tréimhse taobh istigh de bhliain féilire
  • agus
  • níos mó ná €125.

Is ón 1 Eanáir go 31 Nollaig atá an bhliain féilire. Ní fhéadtar éileamh a thíolacadh a chlúdaíonn dhá bhliain féilire.

  • Sampla

    Tá éileamh agat do Mheán Fómhair 2022, Nollaig 2022, Eanáir 2023 agus Márta 2023.

    Ní fhéadtar na héilimh go léir a thíolacadh faoi CBL 58 amháin. Ní mór duit Meán Fómhair agus Nollaig a thíolacadh ar thuairisceán amháin agus Eanáir agus Márta ar thuairisceán eile.

Cén áit a gcuirtear an fhoirm éilimh CBL 58?

Ba chóir iarratais ar aisíocaíocht CBL ar fhoirgnimh feirme a dhéanamh leis an tseirbhís ríomh-Aisíocaíochtaí. Ní mór do ríomhthíolaiceoirí éigeantacha reatha éilimh a thíolacadh leis an áis ríomh-Aisíocaíochtaí.

Féadtar tuilleadh eolais ar ríomh-Aisíocaíochtaí a úsáid a fháil in Iarratas a dhéanamh ar aisíocaíocht Cánach Breisluacha (CBL) ar chaiteachas áirithe feirme.

Féadtar aon fhiosruithe a bhaineann le ríomh-Aisíocaíochtaí a thíolacadh trí M’Fhiosruithe le moChúrsaí nó Seirbhís ar Líne na gCoimisinéirí Ioncaim (ROS).

Roghnaigh an chatagóir 'Ard-Bhailitheoir, ansin roghnaigh 'Aisíocaíochtaí CBL' agus 'Aisíocaíochtaí CBL do Dhaoine Neamhchláraithe (Feirmeoirí/Oibreoirí Bus Turasóireachta)'.

Ar aghaidh: Cén chaoi le Cáin Bhreisluacha (CBL) ar shoithí agus trealamh iascaireachta mara a aiséileamh

Foilsithe: 03 Nollaig 2024 Priontáil an leathanach seo

Leathanach baile Ar ais go barr