Iniúchtaí comhpháirteacha

Cearta cháiníocóirí na hÉireann

Tá na cearta agus na hoibleagáidí ag cáiníocóir Éireannach maidir le hiniúchadh comhpháirteach agus atá le hidirghabháil comhlíontachta de chuid na gCoimisinéirí Ioncaim, a dhéanann oifigigh de chuid na gCoimisinéirí Ioncaim amháin.

Ní féidir le cáiníocóir iniúchadh comhpháirteach a dhiúltú. Mar sin féin, is féidir leis an gcáiníocóir:

• gearán a dhéanamh
• athbhreithniú a iarraidh
• nó
• achomharc a dhéanamh ar mheasúnú a rinne, nó a leasaigh, oifigeach Éireannach de chuid na gCoimisinéirí Ioncaim.

Ní gá don duine atá faoi iniúchadh an méid seo a leanas a nochtadh:

• ábhair a chumhdaítear le pribhléid dhlíthiúil
• cúrsaí leighis de chineál rúnda
• nó
• comhairle ghairmiúil a thugtar do chliant.

Níl feidhm leis an eisceacht i leith comhairle ghairmiúil i gcás inar tugadh an chomhairle mar chuid de chuspóir mímhacánta, calaoiseach nó coiriúil.

Mura gcloíonn an cáiníocóir le fiosruithe an oifigeach ainmnithe le linn an iniúchta chomhpháirtigh, gearrfar pionós €4,000 ar orthu.

Ní féidir le hoifigeach ainmnithe dul isteach in áitreabh cónaithe gan toiliú an úinéara. Féadfaidh an t-oifigeach ainmnithe dul isteach, áfach, má tá barántas cuardaigh faighte ag na Coimisinéirí Ioncaim a ainmníonn an t-oifigeach ainmnithe go sonrach.

Ní féidir le hoifigeach ainmnithe faisnéis cáiníocóirí a nochtadh ach amháin i gcúinsí sonracha ar leith. I measc na gcúinsí sin tá:

• nochtadh chun críocha fiosruithe ar leith
• cásanna a mbaineann an fhaisnéis a nochtar do dhuine leis an duine chuig a nochtadh í
• agus
• sa chás go bhfaightear toiliú an cháiníocóra chun nochtadh a dhéanamh.

Ar aghaidh: Cad a tharlaíonn ag deireadh an iniúchta?