Baile   Gnóthachain, bronntanais agus oidhreachtaí  

Faoisimh Cánach Gnóthachan Caipitiúil (CGC)

  1. Léargas ginearálta
  2. Faoiseamh i leith Innéacsú
  3. Faoiseamh i leith Athstruchtúrú Feirme
  4. Faoiseamh Athbhreithnithe d'Fhiontraithe
  5. Faoisimh i leith Príomháit Chónaithe Phríobháideach (PÁCP)
  6. Maoin a fuarthas idir 7 Nollaig 2011 agus 31 Nollaig 2014
  7. Diúscairt gnó nó feirme (Faoiseamh Scoir)
  8. Aistriú suímh ó thuismitheoir chuig leanbh

Maoin a fuarthas idir 7 Nollaig 2011 agus 31 Nollaig 2014

Féadfaidh sé go bhfuil faoiseamh ó CGC dlite duit má dhiúscraíonn tú maoin a fuarthas idir 7 Nollaig 2011 agus 31 Nollaig 2014. Talamh nó foirgnimh atá i gceist le Maoin.

Féadtar an faoiseamh a éileamh i leith talún nó foirgneamh sa tír seo nó in aon stát de chuid an Limistéir Eorpaigh Eacnamaíoch (LEE).

Cén chaoi a gcáilítear don fhaoiseamh?

Tá díolúine ó CGC i gceist le gnóthachan ar bith a rinneadh ar mhaoin a fuarthas idir 7 Nollaig 2011 agus 31 Nollaig 2014. Gheobhaidh tú díolúine iomlán ar an gcoinníoll:

  • go raibh an talamh nó an foirgneamh faoi d’úinéireacht ar feadh ceithre bliana ar a laghad agus suas le seacht mbliana leanúnacha
  • agus
  • gur dhíol tú an mhaoin ar 1 Eanáir 2018 nó dá éis.

Maoin faoi úinéireacht níos faide ná seacht mbliana

Féadtar faoiseamh páirteach a fháil sa chás go bhfuil úinéireacht agat ar feadh tréimhse níos faide ná seacht mbliana.

Chun an faoiseamh páirteach a riamh, roinn seacht ar líon na mblianta a bhfuil úinéireacht agat ar an maoin. Tabharfaidh sé seo an sciar den ghnóthachan duit atá díolmhaithe.

Mar shampla, má bhí úinéireacht agat ar an talamh nó na foirgnimh ar feadh deich mbliana, déanfar an gnóthachan a laghdú faoi sheacht ndeichiú (7/10).

An chaoi leis an bhfaoiseamh a éileamh

Ní mór duit an faoiseamh a chur san áireamh agus do CGC á ríomh agat. Chomh maith leis sin, ní mór duit sonraí an ghnóthachain a chur san áireamh nuair a thíolacann tú do thuairisceán CGC.

  • Sampla 1

    Cheannaigh Siubhán teach ar an 1 Eanáir 2012 ar €250,000.

    Má dhíolann sí an teach ar an 1 Eanáir 2024, beidh an teach faoi úinéireacht aici ar feadh 12 bhliain. 

    I mí Eanáir 2024, d’fhéadfadh Siubhán an teach a dhíoladh le haghaidh €280,000 ag déanamh gnóthachain de €30,000. Chun a cuid faoiseamh páirteach a ríomh, beidh ar Shiubhán seacht a roinnt ar 12 (líon na mblianta a raibh úinéireacht aici). Ansin, gheobhaidh sí faoiseamh ar sheacht ndeichiú (7/12) den ghnóthachan.

    CGC Shiubhán a ríomh in 2024
    Cur síosRíomhLuach

    An Praghas Díola

     

    €280,000

    Lúide caiteachas incheadaithe

     

    		  

    An praghas ceannaigh

     

    €250,000

    Iomlán an ghnóthachain inmhuirir

     

    €30,000

    Faoiseamh páirteach ar mhaoin a fuarthas idir 7 Nollaig 2011 agus 31 Nollaig 2014

    7/12 x €30,000

    €17,500

    Díolúine phearsanta

     

    €1,270

    Gnóthachan incháinithe

     

    €11,230

    CGC dlite (33% de €11,230)

    €11,230 x 0.33

    €3,705.90

    Beidh ar Shiubhán an CGC atá dlite a íoc roimh 15 Nollaig 2024 agus a tuairisceán a thíolacadh ar an 31 Deireadh Fómhair 2025 nó roimhe sin.

  • Sampla 2

    Cheannaigh Eoin teach ar 1 Eanáir 2014. Dhíol sé an teach ar 1 Meitheamh 2018 agus rinne sé gnóthachan €40,000.

    Gheobhaidh sé faoiseamh iomlán mar gheall go raibh an teach faoina úinéireacht ar feadh breis agus 4 bliana. Ní bheidh ar Eoin aon CGC a íoc i leith dhíol an tí.

    Déanfaidh Eoin tuairisceán a thíolacadh roimh 31 Deireadh Fómhair 2019, ina n-áireofar sonraí a ghnóthachain agus an fhaoisimh.

Ar aghaidh: Diúscairt gnó nó feirme (Faoiseamh Scoir)

Foilsithe: 02 Márta 2022 Priontáil an leathanach seo

Leathanach baile Ar ais go barr