Baile   Gnóthachain, bronntanais agus oidhreachtaí  

Do thuairisceán Cánach Bronntanais nó oidhreachta a chomhlánú (IT38)

  1. Léargas ginearálta
  2. Dualgais tíolactha
  3. Dualgais tíolactha le haghaidh iasachtaí áirithe saor ó ús
  4. Cén chaoi le tíolacadh?
  5. Tíolaic sochair bhreise nó leasaigh tuairisceán tíolactha
  6. Léirithe amhrais
  7. Cén chaoi le do Cháin Fháltas Caipitiúil (CFC) a íoc ar líne
  8. Céard is séanadh sochair ann?

Dualgais tíolactha le haghaidh iasachtaí áirithe saor ó ús

Cén uair atá iasacht saor ó ús intuairiscithe?

Má fhaigheann tú bronntanas maidir le hiasacht shonraithe, féadfaidh sé go mbeidh ort tuairisceán Cánach Fáltas Caipitiúil (CFC) a thíolacadh.

Is éard is iasacht shonraithe ann ná aon iasacht, réamhíocaíocht nó aon chineál creidmheasa:

  • a fuair tú ó gharghaol
  • a fuair tú ó chuideachta a bhfuil garghaol ina húinéir tairbhiúil uirthi
  • arna dhéanamh ag garghaol le cuideachta a bhfuil tú i d'úinéir tairbhiúil uirthi
  • nó
  • idir dhá chuideachta sna cásanna seo a leanas:
    • is úinéir tairbhiúil thú ar an gcuideachta iasachtaíochta
    • agus
    • is úinéir tairbhiúil de chuid na cuideachta iasachta é garghaol.

Tabhair do d'aire

Is éard is garghaol ann ná duine atá gaolta leat chun críocha thairseacha Ghrúpa A nó Ghrúpa B.

Beidh ort tuairisceán CFC a thíolacadh sna cásanna seo a leanas:

  • Meastar gur ghlac tú bronntanas chun críocha CFC maidir le hiasacht shonraithe
  • nár íocadh aon ús ar an iasacht laistigh de 6 mhí ó dheireadh bhliain an bhronntanais sin
  • agus
  • gur mó an t-iarmhéid comhcheangailte ar an iasacht agus aon iasacht shonraithe eile ná €335,000 sa bhliain.

Cén fhaisnéis a bheidh ort a chur ar fáil

Má tá ort tuairisceán CFC a thíolacadh nuair a fhaightear bronntanas maidir le hiasacht shonraithe, cuir an méid seo a leanas san áireamh:

  • ainm, seoladh agus uimhir thagartha cánach an duine a thug an t-iasacht duit
  • agus
  • an t-iarmhéid amuigh ar an iasacht.
  • Sampla

    Faigheann Séamus iasacht saor ó ús €500,000 óna athair ar an 1 Eanáir 2024. Is é an ráta fáltais is fearr a d'fhéadfadh sé a fháil ó infheistíocht i dtaisce ar an tsuim seo ná 1.5%. Tá an iasacht fós gan íoc ar an 31 Nollaig 2024 agus ní íoctar aon ús ar an iasacht laistigh de shé mhí ón dáta sin.

    Ríomh an luach incháinithe

    Cur síos

    Luachanna

    Luach iasachta

    €500,000

    Méadaigh faoin ráta fáltais is fearr

    1.5%

    Luach Incháinithe

    €7,500

    Chun críocha CFC, meastar go nglacann Séamus le bronntanas de €7,500 óna athair ar an 31 Nollaig 2024. Tar éis an díolúine i leith bronntanais bheaga de €3,000 a cheadú, is é luach incháinithe an bhronntanais ná €4,500. Áireofar é sin mar chuid de thairseach Ghrúpa A Shéamuis.

    Níor úsáid Séamus aon chuid dá thairseach Ghrúpa A, ní thagann aon dliteanas cánach chun cinn maidir leis an mbronntanas. Ní sháraíonn luach incháinithe an bhronntanais 80% dá thairseach Ghrúpa A, agus de ghnáth ní bheadh air tuairisceán CFC a thíolacadh.

    Mar sin féin, mar gheall go dtagann an iasacht faoi raon feidhme na riachtanais tuairiscithe nua, beidh ar Shéamus tuairisceán CFC a thíolacadh do 2024. Iarrfar air freisin tuairisceán CFC a thíolacadh do gach bliain ina dhiaidh sin ina a bhfuil an iasacht amuigh, agus go gcomhlíontar na critéir tuairiscithe.

Ar aghaidh: Cén chaoi le tíolacadh?

Foilsithe: 21 Deireadh Fómhair 2024 Priontáil an leathanach seo

Leathanach baile Ar ais go barr