Do thuairisceán Cánach Bronntanais nó oidhreachta a chomhlánú (IT38)
Cén chaoi le do Cháin Fháltas Caipitiúil (CFC) a íoc
Custaiméirí atá cláraithe le haghaidh Seirbhís ar Líne na gCoimisinéirí Ioncaim (ROS)
Má tá deimhniú digiteach caighdeánach á úsáid agat, féadtar íocaíocht a dhéanamh ar na bealaí seo:
Custaiméirí nach bhfuil cláraithe le haghaidh ROS
Mura bhfuil tú cláraithe le haghaidh ROS, féadtar d’íocaíocht a dhéanamh trí:
- moChúrsaí
- treoir dochair aonair
- nó
- cárta creidmheasa nó dochair.
Gníomhairí agus dlíodóirí
Féach na roghanna íocaíochta atá ar fáil má tá Tuairisceán CFC á thíolacadh agat thar ceann do chliaint.
Custaiméirí neamhchónaitheach
Más custaiméir neamhchónaitheach thú, agus mura bhfuil cuntas bainc agat atá inrochtana ag SEPA, féadtar íocaíocht a dhéanamh le Ríomhaistriú Airgid.
Ba chóir íocaíochtaí Ríomhaistrithe Airgid a dhéanamh leis na sonraí seo:
Office of the Revenue Commissioners – UTD EFT – Public Bank Account
Danske Bank
Teach Idirnáisiúnta
3 Plás Mháistir an Chuain
IFSC
Baile Átha Cliath 1.
IBAN: IE37DABA95159920003514
BIC: DABAIE2D
Ní mór duit d’ainm agus d’Uimhir Phearsanta Seirbhíse Poiblí (UPSP) a chur san áireamh nuair atá tú ag íoc le Ríomhaistriú Airgid. Cinntíonn sé sin go ndéantar an leithdháileadh ceart agus pras ar chistí chuig do thaifid custaiméara. Chomh luath agus a dhéanann tú an íocaíocht, seol ríomhphost chuig moneytrans@revenue.ie agus na sonraí seo a leanas san áireamh ann:
- d'ainm custaiméara
- do UPSP
- suim na híocaíochta
- más i leith Cáin Bhronntanais nó Cáin Oidhreachta atá an íocaíocht
- agus
- an tréimhse atá clúdaithe ag an íocaíocht.
Íocaíochtaí le seic
Ba chóir íocaíochtaí a dhéantar le seic a sheoladh chuig an Aonad Cánach Fáltas Caipitiúil le litir ina sonraítear an méid seo a leanas:
- d'ainm custaméara
- do UPSP
- más i leith Cáin Bhronntanais nó Cáin Oidhreachta atá an íocaíocht
- agus
- an tréimhse atá clúdaithe ag an íocaíocht.
Tabhair do d'aire
Ní bhaineann an spriocdháta sínte íoca agus tíolactha le híocaíochtaí a dhéantar le seic. Ba chóir íocaíochtaí le seic agus an Tuairisceán IT38 a sheoladh chuig na Coimisinéirí Ioncaim roimh an dáta dlite íoca agus tíolactha, an 31 Deireadh Fómhair.
Socruithe le tráthchodanna (Socruithe tráthíocaíochta)
Féadtar rogha a dhéanamh aon CFC atá dlite a íoc trí shocrú tráthíocaíochta má fhaigheann tú bronntanas nó oidhreacht mar a leanas:
- maoin réadach (talamh nó foirgnimh)
- nó
- leas teoranta i leith aon mhaoin.
Tugtar 'Socrú Tráthíocaíochtaí' ar shocrú tráthchoda freisin.
Más mian leat an rogha sin a úsáid, ní mór duit Tuairisceán IT38 a thíolacadh agus teagmháil a dhéanamh le Rannóg an Ard-Bhailitheora le d'iarratas. Ba chóir é seo a dhéanamh in M'Fhiosruithe trí moChúrsaí nó ROS, nó i scríbhinn.
Nuair a fhaightear ceadú, déanfar tráthíocaíochtaí míosúla lena n-áirítear ús thar thréimhse nach faide ná Cúig bliana. Tagann an chéad tráthíocaíocht de bheith dlite ar an 31 Deireadh Fómhair a thagann díreach i ndiaidh an dáta luachála.
Má dhíoltar an mhaoin laistigh de thréimhse atá clúdaithe ag socraíocht tráthíocaíochta, tagann aon cháin amuigh atá dlite de bheith iníoctha go hiomlán ar chríochnú an díola. Níl feidhm aige seo sa chás go raibh an bronntanas nó an oidhreacht ina leas teoranta sa mhaoin.
Ar aghaidh: Céard is séanadh sochair ann?