Baile   Gnóthachain, bronntanais agus oidhreachtaí  

Dualgais tíolactha le haghaidh iasachtaí teaghlaigh áirithe

Cén uair atá iasacht teaghlaigh intuairiscithe?

Má fhaigheann tú bronntanas maidir le hiasacht shonraithe, féadfaidh sé go mbeidh ort tuairisceán Cánach Fáltas Caipitiúil (CFC) a thíolacadh.

Is éard is iasacht shonraithe ann ná aon iasacht, réamhíocaíocht nó aon chineál creidmheasa:

  • a fuair tú ó gharghaol
  • a fuair tú ó chuideachta a bhfuil garghaol ina húinéir tairbhiúil uirthi
  • arna dhéanamh ag garghaol le cuideachta a bhfuil tú i d'úinéir tairbhiúil uirthi
  • nó
  • idir dhá chuideachta sna cásanna seo a leanas:
    • is úinéir tairbhiúil thú ar an gcuideachta iasachtaíochta
    • agus
    • is úinéir tairbhiúil de chuid na cuideachta iasachta é garghaol.

Tabhair do d’aire

Is éard is garghaol ann ná duine atá gaolta leat chun críocha thairseacha Ghrúpa A nó Ghrúpa B.

Don bhliain 2025 agus ar aghaidh, beidh ort tuairisceán CFC a thíolacadh sna cásanna seo a leanas:

Don bhliain 2024, beidh ort tuairisceán CFC a thíolacadh sna cásanna seo a leanas:

  • meastar gur ghlac tú bronntanas chun críocha CFC maidir le hiasacht shonraithe
  • níor íocadh aon ús ar an iasacht laistigh de 6 mhí ó dheireadh bhliain an bhronntanais sin
  • agus
  • gur mó an t-iarmhéid comhcheangailte ar an iasacht agus aon iasacht shonraithe eile ná €335,000 sa bhliain.

Cén fhaisnéis a bheidh ort a chur ar fáil?

Má tá ort tuairisceán CFC a thíolacadh nuair a fhaightear bronntanas maidir le hiasacht shonraithe, cuir an méid seo a leanas san áireamh:

  • ainm, seoladh agus uimhir thagartha cánach an duine a thug an t-iasacht duit
  • luach margaidh shaorúsáid na hiasachta
  • agus
  • an t-iarmhéid amuigh ar an iasacht.
  • Sampla

    Faigheann Séamus iasacht saor ó ús €500,000 óna athair ar an 1 Eanáir 2025. Is é an ráta fáltais is airde a d'fhéadfadh sé a fháil ó infheistíocht i dtaisce ar an tsuim seo ná 1.5%. Tá an iasacht fós gan íoc ar an 31 Nollaig 2025

    Ríomh an luach incháinithe
    Cur síosLuachanna
    Luach iasachta €500,000
    Méadaigh faoin ráta fáltais is airde 1.5%
    Luach incháinithe €7,500

    Chun críocha CFC, meastar go nglacann Séamus le bronntanas de €7,500 óna athair ar an 31 Nollaig 2025. Tar éis an díolúine i leith bronntanais bheaga a cheadú, is é luach incháinithe an bhronntanais ná €4,500. Comhairtear é seo i dtreo tairsí Grúpa A Shéamais.

    Ag glacadh leis nár úsáid Séamus aon cheann dá thairseach Ghrúpa A, ní thagann aon dliteanas cánach chun cinn maidir leis an mbronntanas. Ní sháraíonn luach incháinithe an bhronntanais 80% dá thairseach Ghrúpa A agus de ghnáth ní bheadh air tuairisceán CFC a thíolacadh.

    Ón 01 Eanáir 2025, áfach, beidh air tuairisceán CFC a thíolacadh le haghaidh gach bliain a bhfuil an iasacht gan íoc.

Foilsithe: 01 Eanáir 2025 Priontáil an leathanach seo

Leathanach baile Ar ais go barr