Baile   Gnóthachain, bronntanais agus oidhreachtaí  

Dáta luachála agus luach sochar

  1. Léargas ginearálta
  2. Céard é an dáta luachála?
  3. Luach incháinithe bronntanais nó oidhreachta
  4. Leas teoranta
  5. Fachtóirí úsáidte chun luach leas teoranta a ríomh
  6. Cearta cónaitheachta
  7. Blianachtaí agus íocaíochtaí peiriadacha eile
  8. Saor úsáid maoine agus iasachtaí saor ó ús

Saor úsáid maoine agus iasachtaí saor ó ús

Saor úsáid maoine

Má tá saorúsáid maoine agat, nó úsáid ar luach atá níos lú ná an margadhluach, sochar atá ann, agus féadfaidh sé go mbeidh ort cáin a íoc air. Má úsáideann tú an mhaoin thar roinnt blianta, féachtar ar an sochar amhail go bhfuarthas é ar an 31 Nollaig gach bliain.

  • Sampla 1

    Lig Nan dá col ceathrair Caitlín úsáid a bhaint as a teach. An cíos bliantúil a d’fhéadfadh Nan a fháil don mhaoin ná €15,000. Íocann Caitlín €5,000 sa bhliain le Nan.

    Meastar go bhfuair Caitlín bronntanas €10,000 ar 31 Nollaig gach bliain a bhí úsáid á baint aici as an teach. Cuirtear gach bronntanas san áireamh chun críocha comhbhailiúcháin.

Iasacht saor ó ús

Má fhaigheann tú iasacht saor ó ús, sochar atá anseo agus féadfaidh sé go mbeidh ort cáin a íoc air. Luach an tsochair ná an ráta toraidh a ghinfeadh na cistí dá n-infheisteofaí iad i dtaisce. An dáta cánach cuí don sochar seo ná 31 Nollaig gach bliain go dtí go n-íoctar an iasacht ar ais ina hiomláine.

Má aisíoctar an iasacht le linn na bliana, baintear úsáid as dáta na haisíocaíochta chun luach an bhronntanais don bhliain sin a ríomh.

D'fhéadfadh go mbeadh ort tuairisceán a thíolacadh don sochar seo. Chun tuilleadh eolais a fháil, féach Dualgais tíolactha le haghaidh iasachtaí áirithe saor ó ús.

  • Sampla 2

    Thug Seosamh iasacht €300,000 saor ó ús dá nia Seán ar 1 Eanáir. An ráta toraidh is airde a d’fhéadfadh sé a fháil ó infheistíocht i dtaisce ná 1.5%.

    Ríomh an luach incháinithe
    Luach na hiasachta €300,000
    Iolraigh faoin ráta toraidh is airde 1.5%
    Luach incháinithe €4,500

    Féachtar air seo mar bhronntanas €4,500 do Sheán. An dáta cánach cuí ná 31 Nollaig gach bliain, go dtí go n-íoctar an iasacht ar ais ina hiomláine. Cuirtear gach ceann de na bronntanais san áireamh chun críocha comhbhailiúcháin.

    Dá n-aisíocfadh Seán an iasacht ag deireadh mhí Dheireadh Fómhair, baintear úsáid as dáta na haisíocaíochta chun luach an bhronntanais don bhliain sin a ríomh.

    Ríomh luach iasachta don bhliain a aisíoctar ag deireadh mhí Dheireadh Fómhair
    SonraSuim
    Luach incháinithe don bhliain iomlán €4,500

    Luach incháinithe aisíoctha don bhliain

    (Roinn ar 12, iolraigh faoi 10)

    		 €3,750

Foilsithe: 01 Eanáir 2024 Priontáil an leathanach seo

Leathanach baile Ar ais go barr