Faoiseamh i leith Infheistíochta i bhFiontair Nuálacha do dhaoine aonair
Infheistiú trí chomhpháirtíochtaí
Féadtar infheistíocht a dhéanamh faoin scéim seo trí chomhpháirtíocht. Feidhmíonn an scéim ar bhealach difriúil nuair a dhéantar an infheistíocht ar an mbealach seo.
Ní mór na coinníollacha seo a leanas a chomhlíonadh:
- Ní mór gurb é príomhghnó na comhpháirtíochta ná cistí a infheistiú ar mhaithe lena gcuid comhpháirtithe.
- Ní mór duit a bheith i do chomhpháirtí agus €20,000 ar a laghad a infheistiú sa chomhpháirtíocht sula ndéanann an chomhpháirtíocht infheistíocht sa chuideachta.
- Ní mór don chomhpháirtí atá le leas a bhaint as an bhfaoiseamh a bheith ina dhuine aonair.
- Caithfidh an infheistíocht atá déanta ag an gcomhpháirtíocht a bheith cothrom le €20,000, ar a laghad.
- Cuirfidh an chuideachta cóipeanna dá Teastais Cháilíochta ar fáil don chomhpháirtíocht.
Nuair a dhíolann an chomhpháirtíocht an infheistíocht, féadfaidh gach comhpháirtí faoiseamh a éileamh ar a sciar de na gnóthachain. Chun an faoiseamh a éileamh, ní mór do gach comhpháirtí cóipeanna a thaispeáint de na Teastais Cháilíochta a tugadh don chomhpháirtíocht.
Tugtar an faoiseamh do chomhpháirtithe trí ráta Cánach Gnóthachan Caipitiúil (CGC) 18% a chur i bhfeidhm. Tá na gnóthachain a fhéadann leas a bhaint as an bhfaoiseamh d'aon infheistíocht teoranta don cheann is ísle acu seo a leanas:
- an gnóthachan inmhuirir
- dhá oiread an tsuim infheistíochta
- agus
- an t-iarmhéid den teorann saoil atá ar fáil.
Tabhair do d’aire
Comhairítear sciar gach comhpháirtí de na gnóthachain i dtreo na teorann €10 milliún dóibh mar infheisteoir.
Ar aghaidh: Idirghníomhú le faoisimh eile