Cianobair ón mbaile

• Sampla 1

  In 2022, d’oibrigh Áine ón mbaile ar feadh 50 lá. Ba é costas a leictreachais, teasa agus leathanbhanda do 2022 ná €1,890. Ní fhaigheann Áine liúntas as cianobair ón bhfostóir.

  Ríomh an méid sonraithe le haghaidh faoisimh cianoibrithe

  Cur síos	Ríomh		Suim
  (A) na billí fóntais incheadaithe a íocadh			€1,890
  (A) méadaigh faoi (B) - líon na laethanta cianoibre	€1890 x 50		€94,500
  Roinnte ar (C) - líon na laethanta sa bhliain	€94,500 / 365		€258.90
  Asbhain (D) - an méid a d'aisíoc d'fhostóir	0		€258.90
  Costas incheadaithe (30%)	€258.90 X 0.3		€77.67

  Íocann Áine cáin ag an ráta níos airde (40%), mar sin gheobhaidh sí €31.07 mar fhaoiseamh cánach.

  Ó 2022 ar aghaidh, chun tacú le d'éileamh, ní mór duit admhálacha agus íomhánna de do bhillí fóntais a uaslódáil. Féadtar admhálacha agus íomhánna de bhillí a íocadh a uaslódáil ag úsáid an Rianaire Admhálacha in moChúrsaí.

• Sampla 2

  In 2024, d'oibrigh Roibeárd agus Marcus ón mbaile ina dteach roinnte. D’oibrigh an bheirt acu 181 lá go cianda. Ba é an costas dá leictreachas agus teasa do 2024 ná €1,200. €360 an costas leathanbhanda a bhí acu. Ní bhfuair Roibeárd ná Marcus aon liúntas cianoibre óna bhfostóir.

  Roinn siad na billí go cothrom eatarthu, agus ríomh an bheirt acu an sciar a fhéadann siad a éileamh.

  Ríomh cuid amháin de chostais cianoibre

  Cur síos	Ríomh	Suim
  Suim íoctha ag gach duine	€780
  Méadaigh faoi líon na laethanta cianoibrithe	€780 x 181	€141,180
  Roinn ar 365	€141,180 / 365	€386.79
  Costas incheadaithe (30%)	€386.79 x 0.3	€116.03

  Ag deireadh na bliana, chomhlánaigh Roibeárd agus Marcus a dTuairisceán Cánach Ioncaim féin le haghaidh 2024. Déanfaidh gach duine acu éileamh ar chostais de €116.03 le haghaidh faoiseamh cianoibre.

  Íocann Pól agus Maolra cáin ag an ráta cánach níos airde (40%) agus gheobhaidh siad €46.41 mar fhaoiseamh cánach.

Ríomh le haghaidh 2021

• Sampla 3

  In 2021, d’oibrigh Dáithí ón mbaile ar feadh 45 lá. Ba é an costas dá leictreachas agus téimh do 2021 ná €1,100. €540 an costas leathanbhanda a bhí aige. 

  Ríomh na gcostas leictreachais agus téimh ó chianobair

  Cur síos	Ríomh	Suim
  An tsuim íoctha		€1,100
  Méadaigh faoi líon na laethanta cianoibre	€1,100 x 45	€49,500
  Roinn ar 365	€49,500/365	€135.61
  Costas incheadaithe (10%)	€135.61 x 0.1	€13.56

  
  

  Ríomh na gcostas leathanbhanda ón gcianobair

  Cur síos	Ríomh	Suim
  An tsuim íoctha		€540
  Méadaigh faoi líon na laethanta cianoibre	€540 x 45	€24,300
  Roinn ar 365	€24,300/365	€66.57
  Costas incheadaithe (30%)	€66.57 x 0.3	€19.97

  Déanann Dáithí éileamh ar fhaoiseamh cánach bunaithe ar chostais cianoibre €33.53 (€13.56 + €19.97) trí Thuairisceán Cánach Ioncaim do 2021 a thíolacadh. Ós rud é go n-íocann sé cáin ag an ardráta (40%), faigheann sé faoiseamh cánach €13.41.