Gníomhaire cánach nó seirbhís cánach a úsáid
Féadtar roghnú gníomhaire, nó seirbhís ullmhúcháin cánach, a úsáid chun cabhrú leat éileamh a dhéanamh nó tuairisceán a thíolacadh. Má roghnaíonn, bíodh sé trí na meáin shóisialta nó ar bhealach eile, ba chóir an méid seo a leanas a thabhairt do d’aire.
Féadfaidh do ghníomhaire nó seirbhís cánach údaraithe rochtain a fháil ar do chuntas ar Sheirbhís ar Líne na gCoimisinéirí Ioncaim (ROS) trí úsáid a bhaint as a ndeimhniú digiteach agus an pasfhocal ROS atá acu féin. Ná tabhair do shonraí le haghaidh moChúrsaí ná do shonraí logála isteach ROS pearsanta do ghníomhaire nó do thríú páirtithe neamhghaolmhara.
An chaoi leis na Coimisinéirí Ioncaim a chur ar an eolas go bhfuil gníomhaire cánach agat
Comhlánaigh Foirm Údaraithe ÍMAT A1. Níl an Fhoirm Údaraithe ÍMAT A2 ar fáil a thuilleadh ón 1 Eanáir 2025.
Tíolaic an fhoirm do na Coimisinéirí Ioncaim ar cheann de na bealaí seo:
Céard a chiallaíonn sé gníomhaire a bheith agat
Sa chás go bhfuil gníomhaire ag gníomhú ar do shon:
- beidh rochtain acu ar do thaifead leis na Coimisinéirí Ioncaim
- déanfaidh siad éilimh a thíolacadh ar do shon
- gheobhaidh siad comhfhreagras maidir le haon éilimh a tíolacadh
- agus
- beidh údarú acu aisíocaíochtaí a fháil ar do shon sa chás go bhfuil Foirm Údaraithe ÍMAT A2 comhlánaithe agat faoin 1 Eanáir 2025. Asbhainfidh do ghníomhaire a dtáille agus íocfaidh siad an t-iarmhéid leat. Cuirfear deireadh leis an áis seo faoi dheireadh na bliana 2025.
Tabhair do d'aire
Tá na Coimisinéirí Ioncaim ag tarraingt siar an áis a ligeann do ghníomhairí cánach cistí a fháil ar do shon. Chun tuilleadh eolais a fháil, féach Athruithe atá le teacht ar údaruithe do ghníomhairí cánach.
Tá tuilleadh eolais ar fáil in Tax and Duty Manual Part 37-00-04b, treoirlínte do ghníomhairí atá ag gníomhú thar ceann cáiníocóirí.
Gníomhaire a bhaint agus sonraí cuntais bainc a thabhairt cothrom le dáta
Ní mór duit sonraí an chuntais bainc a sábháladh i do phróifíl moChúrsaí a nuashonrú más rud é:
- gur údaraigh tú gníomhaire roimhe seo chun ciste a fháil thar do cheann
- agus
- gur scoir tú de do ghaol leo.
Más mian leat gníomhaire a bhaint ní mór duit:
- iarratas a dhéanamh trí M’Fhiosruithe in moChúrsaí
- nó
- iarratas a dhéanamh i scríbhinn chuig d’oifig de chuid na gCoimisinéirí Ioncaim áitiúil.
Sa chás gur thug tú údarú roimhe seo do ghníomhaire aisíocaíochtaí a fháil thar do shon, ní mór duit sonraí cuntais bainc a thabhairt cothrom le dáta i do Próifíl ar moChúrsaí. Mura ndéanann tú é seo leanfar de gach aisíocaíocht amach anseo a íoc isteach i gcuntas bainc do ghníomhaire.
Do fhreagrachtaí
Fanfaidh tú de bheith freagrach faoin dlí cánach as aon éilimh, dearbhuithe nó tuairisceáin a dhéantar ar do shon. Cuirtear an méid seo a leanas in iúl sna Foirmeacha Údaraithe A1 agus A2:
- go bhféadann éilimh nó tuairisceáin mhíchearta a bheith faoi réir pionóis
- go gcuirtear ar fáil don ghníomhaire atá ceaptha agat, na doiciméid iarrtha chun tacú le haon aisíocaíocht nó éileamh ar chreidmheas, liúntas nó faoiseamh
- nach mór sonraí faoi gach foinse ioncaim a chur ar fáil don ghníomhaire atá ceaptha agat.
- go n-iarrtar ar do ghníomhaire gach doiciméad a bhaineann le haon aisíocaíocht nó éileamh a dhéantar ar do shon a choinneáil ar feadh 6 bliana. Féadann na Coimisinéirí Ioncaim na doiciméid seo a iarraidh.