Liúntas costais chothromráta

Cén chaoi le liúntas FRE a éileamh

Riachtanas chun éileamh a dhéanamh

Ní mór duit éileamh a dhéanamh le haghaidh gach bliain chánach ábhartha chun leas a bhaint as an liúntas FRE cuí.

Féadtar éileamh a dhéanamh sa bhliain trí moChúrsaí, nó tar éis dheireadh na bliana cánach agus do Thuairisceán Cánach Ioncaim á thíolacadh agat. Nuair a éilíonn tú sa bhliain, cuirtear sochar an FRE i bhfeidhm ar do chreidmheasanna cánach i bhfíor-am.

Chun liúntas Costais Chothromráta a éileamh sa bhliain reatha

1. Sínigh isteach ar moChúrsaí.
2. Roghnaigh ‘Bainistigh Do Cháin’ don bhliain reatha in ‘Seirbhísí ÍMAT’.
3. Cliceáil ar ‘Déan éileamh ar creidmheasanna cánach’.
4. Roghnaigh 'Do phost' agus cliceáil ar 'Costais Chothromráta'.
5. Comhlánaigh an fhoirm agus tíolaic í.

Tá sonraí faoin gcaoi le FRE méadaithe a éileamh do 2023 agus 2024 le fáil in alt 7.2.3 de Tax and Duty Manual Part 05-02-20.

Liúntas FRE a éileamh do na 4 bliana roimhe sin

1. Sínigh isteach ar moChúrsaí.
2. Cliceáil ar an nasc 'Déan athbhreithniú ar do Cháin do na 4 bliana roimhe seo' sa nasc 'Seirbhísí ÍMAT'.
3. Iarr Ráiteas Dliteanais don bhliain chánach chuí.
4. Cliceáil ar ‘Comhlánaigh Tuairisceán Cánach Ioncaim’.
5. Ar an leathanach ‘Creidmheasanna & Faoisimh Chánach’, roghnaigh ‘Do phost-costais chothromráta’ agus cuir leis é mar chreidmheas cánach.
6. Comhlánaigh agus sínigh do Thuairisceán Cánach Ioncaim.

Féadtar Liúntas Costais Chothromráta a éileamh ar an Tuairisceán Cánach Ioncaim (Foirm 11) chomh maith trí Sheirbhís ar Líne na gCoimisinéirí Ioncaim (ROS).

Tá feidhm ag an riail ceithre bliana i leith aisíocaíochtaí a éileamh ar liúntas costais chothromráta.

Ar aghaidh: Costais fostaíochta a éileamh (seachas liúntais Costais Chothromráta (FRE)