Faoiseamh cánach le haghaidh cuideachtaí nua-thionscanta

Léargas ginearálta

Má tá cuideachta trádála nuathionscanta agat, féadfaidh sé go bhfuil tú in ann iarratas a dhéanamh ar fhaoiseamh cánach. Is éard atá i gceist leis an bhfaoiseamh seo, a dtugtar faoiseamh cánach Alt 486C air chomh maith, ná laghdú sa Cháin Chorparáide (CC) le haghaidh na chéad cúig bliana de do thrádáil.

Féadfar an faoiseamh a chur i bhfeidhm ar CC ar na brabúis ó do thrádáil nua agus ar gnóthachain inmhuirir a rinneadh ar shócmhainní dhiúscartha a úsáideadh sa trádáil sin. Ní fhéadtar an faoiseamh a úsáid chun CC a laghdú ar ioncam agus gnóthachain nach mbaineann leis an trádáil.

Féadfaidh tú a bheith i dteideal an fhaoisimh má tá do CC iomlán dlite €40,000 nó níos lú ná sin i mbliain chánach. Má tá do CC dlite idir €40,000 agus €60,000, féadfaidh sé go bhfuil tú i dteideal faoisimh pháirtigh.

Baineann an teorainn seo le CC atá dlite ar d'ioncam agus do ghnóthachain go léir (ní hamháin CC a bhaineann le do thrádáil).

Braitheann faoiseamh cánach do chuideachtaí nuathionscanta freisin ar mhéid an Árachais Shóisialaigh Pá-Choimhneasa (ÁSPC) an fhostóra a íocann tú. Tá faoiseamh teoranta ar uasmhéid de €5,000 ÁSPC fostóra in aghaidh an fhostaí nó an stiúrthóra.

Má íocann stiúrthóir cuideachta ÁSPC faoi Aicme S, ní íocann tú ÁSPC an fhostóra ar thuilleamh an stiúrthóra sin. Ó 2025 ar aghaidh, ríomhtar faoiseamh freisin trí thagairt a dhéanamh do ranníocaíochtaí ÁSPC Aicme S a sheolann tú chuig na Coimisinéirí Ioncaim thar ceann stiúrthóra. Tá an faoiseamh teoranta d'uasmhéid €1,000 ÁSPC Aicme S in aghaidh an duine aonair.

Tá teorainn fhoriomlán de €40,000 ÁSPC cáilitheach i dtréimhse chuntasaíochta.

Féadfaidh sé a bheith indéanta do do chomhlacht aon fhaoiseamh nár úsáideadh a thabhairt ar aghaidh ó:

• an chéad cúig bliana trádála sa chás gur bunaíodh an trádáil cháilitheach ar, nó tar éis, 1 Eanáir 2018
• nó
• an chéad trí bliana trádála sa chás gur bunaíodh an trádáil cháilitheach roimh 1 Eanáir 2018.

Féadfaidh srianta áirithe a bheith i bhfeidhm agus tá siad leagtha amach sa rannán seo.

Ar aghaidh: An bhféadtar faoiseamh cánach a éileamh i leith do chuideachta nuathionscanta?