Athchóirithe

Athchóiriú

Go ginearálta, ciallaíonn athchóiriú go mionathraíonn tú tréithe feithicle ionas go bhfuil athruithe tagtha ar:

• an chineácheadú
• nó
• na sonraí tugtha ag clárúchán

Tá trí bhealach ann ar a bhféadtar feithicil a athchóiriú:

• feithicil nua agus neamhchláraithe a athchóiriú
• feithicil cláraithe taobh amuigh d’Éirinn roimh í a chlárú in Éirinn a athchóiriú
• agus
• feithicil a bhí cláraithe in Éirinn cheana a athchóiriú.

Feithiclí nach raibh cláraithe riamh cheana

Caithfidh feithicil cineálcheadú a bheith aici chun a bheith cláraithe in Éirinn. An ghnáthfhianaise ná Deimhniú Comhréireachta eisithe ag an déantóir.

Eisíonn an National Standards Authority of Ireland (NSAI) an deimhniú le haghaidh feithicil nua athchóirithe in Éirinn nó in áit éigin eile.

Ní mór duit an deimhniú ÚCNÉ a bhreith leat nuair a théann tú chun an fheithicil athchóirithe a chlárú.

Ní mór go mbeadh Fianaise ar astaíochtaí Ocsaíde Nítrigine (NOx) i láthair chun leanúint ar aghaidh le clárúchán.

Feithiclí cláraithe ar an gcoigríoch

I gcásanna go raibh an fheithicil cláraithe ar an gcoigríoch, ní mór Dearbhú Comhréireachta agus dearbhú Duine atá Cáilithe go Cuí a thaispeáint.

Ní mór duit an fhoirm seo a úsáid i gcás ina bhfuil aon cheann de na nithe seo a leanas athraithe agat:

• catagóir feithicle an AE
• líon na suíochán
• líon na bhfeisteas creasa sábhála
• Cód Cabhalra an AE
• an mhais i seirbhís
• líon na ndoirse
• agus, nó
• líon na bhfuinneog.

Feithiclí cláraithe in Éirinn

Ní mór duit dearbhú a dhéanamh leis na Coimisinéirí Ioncaim más é B, C nó D (nó folamh) an chatagóir feithicle ag J1 den Deimhniú Cláraithe Feithicle agus:

• má tá suíocháin curtha léi agat agus más é naoi suíochán nó níos lú an t-iomlán nua (an tiománaí san áireamh)
• nó
• má tá suíocháin bainte agat ó fheithicil a raibh 10 suíochán nó níos mó aici agus más é naoi suíochán nó níos lú atá ann anois (an tiománaí san áireamh)
• nó
• má tá an fheithicil athchóirithe agat mar mhótarcharbhán.

Ní mór duit chomh maith dearbhú a dhéanamh má tiontaíodh an fheithicil go feithicil de chatagóir N1 an AE, le níos mó ná sraith amháin suíochán. Tá sonraí iomlána na ndoiciméad tacaíochta atá ag teastáil liostaithe ar an Dearbhú maidir le Foirm Athchóirithe Feithicle.

Féadtar Dearbhú Athchóirithe agus doiciméid tacaíochta a thíolacadh go leictreonach, ag baint úsáid as seirbhís M'Fhiosruithe na gCoimisinéirí Ioncaim, nó tríd an bpost, chuig:

SAORPHOST
An tSeirbhís Náisiúnta CCF
Oifig na gCoimisinéirí Ioncaim
Sráid Áine
Co. Loch Garman
Y35 E29K

Ní mór na doiciméid seo a leanas a chur faoi iamh:

• cóip den Deimhniú Cláraithe Feithicle (an dá thaobh)
• Fianaise ar astaíochtaí Dé-Ocsaíde Carbóin agus NOx araon
• na sonraisc ar a léirítear costais an athchóirithe
• agus
• i gcás mótarcharbháin, ní mór duit an méid seo a leanas a thabhairt dúinn:
  • sé ghrianghraf den taobh amuigh ar a mhéad: ceann amháin den taobh-amharc iomlán (gach taobh), ceann amháin den aghaidh-amharc iomlán agus an chláruimhir le feiceáil ann agus ceann amháin den chúl-amharc iomlán
  • agus
  • naoi ngrianghraf den taobh istigh ar a mhéad, lena n-áirítear: ionaid suí agus bord, cóiríocht chodlata, áiseanna cócaireachta, áiseanna stórais, , an taobh istigh tógtha ón tosaigh ag breathnú siar, agus an taobh istigh tógtha ón gcúl ag breathnú chun tosaigh.

Tar éis an Dearbhú agus an doiciméid tacaíochta a fháil, déanfaidh an tSeirbhís Náisiúnta CCF an fheithicil athchóirithe a rangnú, agus aon CCF dhlite a mheas.

Má tá CCF breise ann, eiseoidh an tSeirbhís Náisiúnta CCF comhfhreagras chugat le sonraí ar an méid CCF dhlite agus modhanna íocaíochta chomh maith.

Cuireann na Coimisinéirí Ioncaim áiseanna íocaíochta ar líne ar fáil trí moChúrsaí agus ROS le haghaidh réimse leathan cánacha, lena n-áirítear CCF.

Féach ar VRT On-line Payments in ROS and MyAccount chun sonraí breise a fháil.

Ar aghaidh: Duine a bhfuil na Cáilíochtaí Cuí aige/aici (SQI)