Dliteanas Cánach Maoine Áitiúla (CMÁ)
Maoine a thagann de bheith faoi dhliteanas CMÁ
Féadfaidh sé go mbeidh do mhaoin faoi dhliteanas CMÁ den chéad uair in 2025. Más amhlaidh an cás, ba chóir duit do mhaoin a luacháil agus do Thuairisceán CMÁ a thíolacadh faoin 2 Nollaig 2024.
Más maoin chónaithe í do mhaoin ar an 1 Samhain 2024, beidh sí faoi dhliteanas CMÁ in 2025. I bhformhór na gcásanna, ciallaíonn sé seo go bhféadfadh do mhaoin teacht de bheith faoi dhliteanas CMÁ in 2025:
- más maoin chónaithe nua-thógtha atá i gceist, a críochnaíodh tar éis an 1 Samhain 2023 agus ar, nó roimh, an 1 Samhain 2024
- nó
- má dhéantar í a áitiú, nó má dhéantar oiriúnach í mar áit chónaithe, tar éis an 1 Samhain 2023 agus ar, nó roimh, an 1 Samhain 2024.
Maoine cónaithe nua-thógtha
Má cheannaigh tú, nó má thóg tú maoin chónaithe nua idir 2 Samhain 2023 agus an 1 Samhain 2024, beidh sí faoi dhliteanas CMÁ in 2025, más amhlaidh ar 1 Samhain 2024 go raibh sí:
- áitithe
- nó
- feiliúnach mar áit chónaithe.
Maoine a tháinig de bheith oiriúnach lena n-úsáid mar áit chónaithe
Féadfaidh sé nach raibh do mhaoin faoi dhliteanas CMÁ roimhe seo más rud é nach raibh sí oiriúnach le húsáid mar áit chónaithe. Mar shampla, níl maoin feiliúnach mar áit chónaithe más amhlaidh nach bhfuil áiseanna slántíochta inti, nó má tá cuid di tite.
Má rinneadh athchóiriú ar a leithéad de mhaoin, áfach, agus anois tá sí oiriúnach le húsáid mar áit chónaithe, tá sé faoi dhliteanas CMÁ. Beidh sé faoi dhliteanas CMÁ in 2025, áfach, más amhlaidh ar 1 Samhain 2024 go raibh sí:
- áitithe
- nó
- feiliúnach mar áit chónaithe.
Céard is gá duit a dhéanamh
Ní mór duit:
- do mhaoin atá anois faoi dhliteanas a luacháil amhail an 1 Samhain 2021. Ciallaíonn seo go bhfuil ort luach do mhaoine a chinneadh, amhail is go raibh sí lánchríochnaithe, ar 1 Samhain 2021.
- do luacháil a thíolacadh mar chuid de do Thuairisceán CMÁ ar, nó roimh, an 2 Nollaig 2024
- agus
- socruithe a dhéanamh chun do mhuirear CMÁ a íoc.
Ní mór duit do mhaoin a chlárú leis na Coimisinéirí Ioncaim mura raibh sí cláraithe roimhe seo chun críocha CMÁ nó dleacht stampa. Le haghaidh tuilleadh eolais, féach Maoin a Chlárú le haghaidh na Cánach Maoine Áitiúla (CMÁ).
Má tá do mhaoin cláraithe le haghaidh CMÁ cheana féin, ba chóir duit rochtain a fháil ar do thaifead maoine leis na Coimisinéirí Ioncaim.
Ar aghaidh: Maoine tráchtála