Faoiseamh i leith infheistíochta i bhfiontair nuálacha

Riachtanais i leith deimhniúchán (grúpa faoisimh)

Tá grúpa faoisimh cuideachta comhdhéanta den chuideachta agus dá gnóthaí comhpháirtíochta nó gnólachtaí nasctha.  Tá tuilleadh sonraí faoi 'ghrúpa faoisimh' ar fáil sa Lámhleabhar Cánach agus Dleachta, An Faoiseamh i leith Infheistíochta i bhFiontair Nuálacha.

Ní mór don ghrúpa faoisimh lena mbaineann cuideachta na coinníollacha seo a leanas a chomhlíonadh sular féidir iarratas a dhéanamh ar dheimhniú:

• Ní mór do gach cuideachta sa ghrúpa faoisimh a bheith neamhliostaithe.
• Ní fhéadfaidh aon eintiteas sa ghrúpa faoisimh a bheith faoi réir ordú aisghabhála amuigh a bhaineann le Státchabhair.
• Ní mór scairchaipiteal gach cuideachta sa ghrúpa faoisimh a bheith láníoctha.
• Ní mór do bhaill an ghrúpa faoisimh a bheith bunaithe ar feadh níos lú ná seacht mbliana agus iad ag déanamh iarratas ar Dheimhnithe Cháilíochta.
• Ní mór don ghrúpa faoisimh a bheith ina Fhiontar Beag, Meánach nó Micreaghnóthas (FBM).
• Ní féidir leis an ngrúpa faoisimh a bheith ina fhiontar i gcruachás.

Fiontar i gcruachás

Tá feidhm ag an gcoinníoll seo má tá an chuideachta agus a grúpa faoisimh bunaithe ar feadh níos mó ná trí bliana.

Ní mór don chuideachta a thaispeáint nach bhfuil sé mar chuid de fhiontar atá i gcruachás.

Is éard is fiontar i gcruachás ann ná gnó, ar dócha go dteipfidh air sa ghearrthréimhse, nó sa mheántréimhse, gan idirghabháil. 

Tá tástálacha sonracha ann a chuirtear i bhfeidhm ar chuntais na cuideachta chun a aithint ar fiontar i gcruachás atá ann nó nach ea.  Tá tuilleadh sonraí ar fáil sa Lámhleabhar Cánach agus Dleachta, An Faoiseamh i leith Infheistíochta i bhFiontair Nuálacha.

Ar aghaidh: Deimhnithe Cháilíochta