Feithiclí a iompórtáil ón mBreatain Mhór agus Tuaisceart Éireann

Na himpleachtaí CBL a bhaineann le feithiclí a iompórtáil ón mBreatain Mhór agus Tuaisceart Éireann

Tá feithiclí nua a tugtar isteach chun an Stáit ó Bhallstát eile AE, agus ó Thuaisceart Éireann, faoi dhliteanas Cánach Breisluacha (CBL). Is éard is feithicil nua ann ná feithicil atá 6 mhí d'aois nó níos lú, nó 6,000 cm nó níos lú taistealta. Go hiondúil íoctar an CBL ag tráth an chlárúcháin sa Stát. Tá tuilleadh eolais le fáil ar Modhanna iompair nua a fháil ó Bhallstát eile.

Tá feithiclí nua a dtugtar isteach chun an Stáit ó thaobh amuigh den AE faoi dhliteanas Cánach Breisluacha ag tráth na hiompórtála agus ní ghearrfar muirear CBL eile orthu ag clárúcháin.

Maidir le díolachán Gnó le Gnó:

• feithiclí athláimhe a meastar gur feithiclí cáilitheacha iad chun críocha CBL
• agus
• Atá nialas-rátaithe tugtha ag an díoltóir i dTuaisceart Éireann
• nó
• ag tráth na heaspórtála easpórtáil ón mBreatain Mhór

féadfaidh sé go gcaithfear leis mar a caitheadh leis cheana.

Ciallaíonn sé seo go gcomhlíonfaidh an déileálaí sa Stát dearbhú iompórtála agus féadann siad roghnú cuntas a thabhairt i leith CBL ag tráth na hiompórtála ar bhonn cuntasaíochta iarchurtha. Leis seo, féadann an déileálaí cuntas a thabhairt i leith CBL ag tráth na hiompórtála ina ngnáth-thuairisceán CBL agus asbhaint CBL comhuainí a thógáil.

Nuair a dhíoltar an fheithicil, déanann an déileálaí cuntas a thabhairt i leith CBL ag an gcéim sin, ach ní mór dóibh CBL ag 23% a ghearradh ar luach iomlán an díola (seachas Cáin Cláraithe Feithiclí). Ar an gcaoi seo, ní thiocfaidh dliteanas CBL aníos ach amháin nuair a dhíoltar an fheithicil.

Tá iompórtálacha príobháideacha faoi dhliteanas CBL ag tráth na hiompórtála agus gearrfar é ar luach custam na feithicle ag an ráta caighdeánach, is é sin 23% faoi láthair. Go hiondúil, is é seo an praghas ceannaigh móide an costas iompair agus árachas, móide aon Dleachtanna Custam iníoctha. Le haghaidh tuilleadh eolais, féach Luacháil custam.

Tá reachtaíocht tugtha isteach ag an Ríocht Aontaithe chun foráil a dhéanamh don Scéim Íocaíochta Mótarfheithiclí Athláimhe (SHMVPS). Ligfidh an scéim nua do dhíoltóirí carranna atá cláraithe le haghaidh CBL i dTÉ agus i mBallstáit an AE an ghné CBL de chostas na feithicle a aiséileamh:

• má cheannaítear an fheithicil sa Bhreatain Mhór
• agus
• má bhaintear amach í, nó má easpórtáiltear í, lena n-athdhíol i dTÉ nó i mBallstát AE.

Tá na rialacha nua i bhfeidhm ón 1 Bealtaine 2023 agus féadtar éilimh a dhéanamh ó Lúnasa 2023 ar aghaidh. Tá treoir mhionsonraithe ar fáil ó Choimisinéirí Ioncaim agus Custam an Rí (HMRC).

Ar aghaidh: Feithicil a ceannaíodh sa Bhreatain Mhór a chlárú