Baile   Maoin   Cáin Maoine Áitiúil (CMÁ)  

Maoin a dhíol, a cheannach nó a aistriú

  1. Léargas ginearálta
  2. Tá maoin á díol agat
  3. Tá maoin á ceannach agat
  4. Tá maoin á haistriú agat
  5. Céard is imréiteach ó na Coimisinéirí Ioncaim ann?
  6. Céard a tharlaíonn nuair a bhíonn níos mó ná aon díol amháin i dtréimhse luachála?
  7. Tá maoin á ceannach agat ó údarás áitiúil
  8. Breis agus maoin chónaithe amháin a cheannach, a dhíol nó a aistriú

Léargas ginearálta

Nuair atá maoin á díol, á ceannach nó á haistriú, tá dualgais áirithe ar an díoltóir agus ar an gceannaitheoir araon. Is gá go mbeadh imréiteach Cánach Maoine Áitiúla (CMÁ) i bhfeidhm roimh: 

  • chríochnú an díola
  • nó
  • aistriú na maoine.

Mar dhíoltóir, ní mór duitse a chinntiú go bhfuil gach oibleagáid CMÁ comhlíonta agat sula gcríochnaítear an díolachán. Ciallaíonn sé seo go gcaithfidh gach íocaíocht CMÁ a bheith cothrom le dáta agus ní mór duit do Thuairisceán CMÁ a bheith tíolactha chuig na Coimisinéirí Ioncaim. Féadtar do thaifead CMÁ a sheiceáil trí CMÁ ar Líne.

Más tú an duine dliteanach i dtaca le maoin ar an dáta dlite, an 1 Samhain, tá tú faoi dhliteanas an CMÁ a íoc don bhliain ina dhiaidh.

  • Sampla

    Is é Pádraig an duine dliteanach maidir le maoin chónaithe ar 1 Samhain 2024. Dhíol sé a mhaoin  i mí na Nollag 2024. Cé nach leis an maoin in 2025, is é an duine faoi dhliteanas CMÁ fós agus tá air an dliteanas iomlán a íoc le haghaidh 2025. Is é an ceannaitheoir an duine faoi dhliteanas CMÁ an 1 Samhain 2025 agus atá freagrach as CMÁ a íoc le haghaidh 2026, agus blianta ina dhiaidh sin.

Ar aghaidh: Tá maoin á díol agat

Foilsithe: 24 Deireadh Fómhair 2024 Priontáil an leathanach seo

Leathanach baile Ar ais go barr