Maoin a dhíol, a cheannach nó a aistriú

Céard is imréiteach ó na Coimisinéirí Ioncaim ann?

Ní mór duit imréiteach a fháil ó na Coimisinéirí Ioncaim ar dhíol nó aistriú maoine. Le h-imréiteach na gCoimisinéirí Ioncam, deimhnítear go bhfuil an mhaoin go hiomlán comhlíontach ó thaobh na Cánach Maoine Áitiúla (CMÁ) de.

Tá dhá chineál imréiteach na gCoimisinéirí Ioncam ann:

• imréiteach ginearálta
• agus
• imréiteach sonrach.

Ní cháilíonn an mhaoin le haghaidh imréiteach ginearálta nó sonrach sa chás:

• go bhfuil dliteanas CMÁ amuigh nó iarchurtha, nó go bhfuil dliteanais Mhuirir Teaghlaigh (MT) amuigh
• go bhfuil tuairisceáin CMÁ amuigh.

Is é an bealach is éasca chun a sheiceáil go bhfuil an mhaoin go hiomlán comhlíontach ná trí logáil isteach ar CMÁ ar líne chun athbhreithniú a dhéanamh ar na taifid CMÁ.

Imréiteach ginearálta

Ciallaíonn imréiteach ginearálta nach bhfuil ort iarratas a thíolacadh chuig na Coimisinéirí Ioncaim. Bíonn imréiteach ginearálta i bhfeidhm má chomhlíontar ceann de na coinníollacha seo a leanas:

Coinníoll 1

Tá an praghas díola €400,000 nó níos lú i leith maoine atá lasmuigh de Bhaile Átha Cliath.

Tá an praghas díola €500,000 nó níos lú i leith maoine i mBaile Átha Cliath.

Coinníoll 2

Ní sháraíonn an praghas díola:

• 25% d'uasteorainn an bhanda luachála a dearbhaíodh amhail an 1 Samhain 2021
• nó
• 25% níos airde ná an luacha iarbhír a dhearbhaítear i leith maoine os cionn Bhanda 19.

Roimh dhíol na maoine, féadfaidh tú (an díoltóir) imréiteach ginearálta a fháil trí rochtain a fháil ar an tseirbhís CMÁ ar líne trí úsáid a bhaint as:

• d'Uimhir Phearsanta Seirbhíse Poiblí (UPSP)
• aitheantas na maoine
• agus
• Treoiruimhir na Maoine (PIN).

Ba chóir duit an Achoimre ar Stair na Maoine a phriontáil ón tSeirbhís CMÁ ar Líne chun a dheimhniú nach bhfuil aon dliteanas ná tuairisceáin amuigh. Féadtar é sin a úsáid mar dheimhniú go bhfuil an maoin comhlíontach ó thaobh CMÁ de.

Má d’éiligh tú díolúine ón CMÁ, beidh sé sin le feiceáil san Achoimre ar Stair na Maoine. Ní mór duit a chinntiú go ndéanann na Coimisinéirí Ioncaim aon díolúine a éilítear a fhíorú, sular féidir an maoin a dhíol nó a aistriú.

Imréiteach sonrach

Mura gcomhlíonann tú Coinníoll 1 nó Coinníoll 2, ní mór duit iarratas ar imréiteach sonrach a dhéanamh chuig na Coimisinéirí Ioncaim. Féadtar iarratas a dhéanamh ar imréiteach sonrach trí Fhoirm LPT5 a chomhlánú. Féadtar d’fhoirm a thíolacadh trí M’Fhiosruithe nuair a logálann tú isteach ar sheirbhís CMÁ ar líne.

Is iondúil go bpróiseáiltear iarratais ar imréiteach sonrach laistigh de 12 lá oibre. Ná lorg nuashonrú ó na Coimisinéirí Ioncaim go dtí go bhfuil an tréimhse ama sin caite le do thoil.

Ar aghaidh: Céard a tharlaíonn nuair a bhíonn níos mó ná aon díol amháin i dtréimhse luachála?