Maoin a dhíol, a cheannach nó a aistriú
Tá maoin á ceannach agat
Bhí luacháil na maoine, mar a bhí ar 1 Bealtaine 2013, i bhfeidhm suas go dtí an 31 Nollaig 2021. Feidhmítear an luacháil don mhaoin ar an 1 Samhain 2021 le haghaidh na mblianta 2022 suas go dtí 2025, agus an dá bhliain sin san áireamh. Ní mór gur luacháil (luachálacha) réasúnta atá i gceist.
Céard ba chóir duitse, nó do do dhlíodóir, a dhéanamh roimh an díol a dhúnadh?
Roimh an díol a dhúnadh, ba chóir duitse, nó do do dhlíodóir:
- eolas cuí agus doiciméid tacaíochta a fháil ón díoltóir. Áirítear leis sin Achoimre ar Stair na Maoine, uimhir aitheantais na maoine, an luacháil nó an banda luachála, an bonn dá luacháil agus sonraí maidir le haon díolúine a éilíodh.
- seiceáil an bhfuil aon cháin, ús nó pionóis amuigh i gceist leis an maoin. Gearrfar ús ar aon cháin neamhíoctha agus fanfaidh an muirear sin ar an maoin go dtí go n-íocfar é. Ba chóir duit a chinntiú go bhfuil gach dliteanas amuigh íoctha ag an díoltóir roimh chríochnú an díola.
- a chinntiú nach bhfuil aon iarchur ar taifead
- a chinntiú go n-íoctar na dliteanais uile in éineacht leis an ús dlite
- a chinntiú go n-íoctar an Muirear Teaghlaigh ina iomláine
- a chinntiú go bhfuil aon díolúine a éilítear i leith na maoine fíoraithe ag na Coimisinéirí Ioncaim.
- a chinntiú go gcuireann an díoltóir cóip de cháipéisíocht imréitigh ábhartha na gCoimisinéirí Ioncaim ar fáil duit. Chun tuilleadh eolais a fháil, féach 'Céard is imréiteach ó na Coimisinéirí Ioncaim ann'.
- breithniú a dhéanamh maidir le an raibh luacháil nó luachálacha na maoine dearbaithe go réasúnach agus go hionraic. Ba chóir don cheannaitheoir, nó do dhlíodóir, an cheannaitheora aghaidh a thabhairt ar aon cheisteanna roimh an díol a dhúnadh.
Tabhair do d'aire
Más rud é nach é seo an chéad díol ó 2013, ní mór don díoltóir sonraí a sholáthar i dtaca le haon imréiteach i leith an díola roimhe.
Maoin thréigthe a cheannach - impleachtaí Dleachta Stampa
Meastar maoine áirithe a bheith cónaitheach chun críocha Dleachta Stampa fiú mura bhfuil siad faoi dhliteanas CMÁ. Mar shampla, teach tréigthe. Cé go bhféadfadh sé nach bhfuil teach tréigthe faoi dhliteanas CMÁ, tá sé faoi réir Dleacht Stampa ag an ráta cónaithe.
Féadtar maoin a cheannach nach bhfuil faoi dhliteanas CMÁ ach atá faoi réir an ráta cónaithe Dleachta Stampa. Más sin an cás, ní mór duit a chinntiú go gcuireann an díoltóir Uimhir Aitheantais Maoine CMÁ ar fáil duit sula mbeidh an díol críochnaithe. Teastóidh Uimhir Aitheantais na Maoine uait chun do Thuairisceán Dleachta Stampa a thíolacadh.
Mura bhfuil Uimhir Aitheantais Maoine ag an maoin, ba chóir duit iarraidh ar an díoltóir teagmháil a dhéanamh leis an mBrainse CMÁ. Ba chóir don díoltóir a mhíniú don Bhrainse CMÁ go bhfuil an uimhir ag teastáil chun tuairisceán Dleachta Stampa a thíolacadh.
Chun tuilleadh eolais a fháil ar Dhleacht Stampa, féach Céard is Dleacht Stampa ann.
Tar éis an díol a chríochnú
Féadfaidh sé go measann tú nach bhfuil an luacháil (na luachálacha) a dhearbhaigh an díoltóir nó an t-úinéir roimhe ar an 1 Bealtaine 2013 agus, nó, an 1 Samhain 2021, réasúnta. Má cheapann tú gur chóir don luacháil (do na luachálacha) a bheith níos airde nó níos ísle, ba chóir duit na sonraí seo a leanas a chur faoi bhráid an Bhrainse CMÁ:
- Uimhir aitheantais na maoine
- Seoladh na maoine
- Do mheasúnú féin ar luach margaidh agus banda luachála nó luach inmhuirir na maoine ar an 01 Bealtaine 2013 agus, nó an 01 Samhain 2021.
- agus
- Ní mór duit cáipéisí a chur ar fáil mar thaca le do luacháil (do luachálacha).
Ar aghaidh: Tá maoin á haistriú agat