Cáin Mhaoine Áitiúil - céard is gá duit a dhéanamh le haghaidh 2025

Maoine a tháinig de bheith faoi dhliteanas

Tá do mhaoin chónaithe nua-dhliteanach i leith Cáin Mhaoine Áitiúil (CMÁ) in 2025 más rud é:

• gur maoin chónaithe nua-thógtha atá inti a críochnaíodh tar éis an 1 Samhain 2023 agus ar, nó roimh, an 1 Samhain 2024
• nó
• tháinig sí de bheith áitithe, nó feiliúnach le húsáid mar áit chónaithe, tar éis an 1 Samhain 2023 agus ar, nó roimh, an 1 Samhain 2024.

Is é an dáta luachála le haghaidh CMÁ ná an 1 Samhain 2021. Ciallaíonn seo go bhfuil ort do mhaoin a luacháil amhail is go raibh sí ann ar an 1 Samhain 2021.

Tá do mhuirear CMÁ bunaithe ar luacháil do mhaoine amhail an 1 Samhain 2021. Cinneann do luacháil ar do mhaoin ar an dáta seo do mhuirear CMÁ le haghaidh 2025.

Le haghaidh tuilleadh eolais agus samplaí cabhracha, féach Maoine a thagann de bheith faoi dhliteanas CMÁ.

Tá ort an méid seo a leanas a dhéanamh:

1. Féinmheasúnú a dhéanamh ar luach do mhaoine atá anois faoi dhliteanas, amhail ar an dáta luachála 1 Samhain 2021. Ciallaíonn seo go bhfuil ort luach do mhaoine a chinneadh amhail is go raibh sí lánchríochnaithe ar an 1 Samhain 2021.
2. Do luacháil a thíolacadh mar chuid de do Thuairisceán CMÁ ar nó roimh, an 2 Nollaig 2024.
3. Socruithe a dhéanamh chun do mhuirear CMÁ a íoc.

Do mhaoin a chlárú

Tá ort do mhaoin a chlárú leis na Coimisinéirí Ioncaim mura raibh sí cláraithe roimhe seo chun críocha CMÁ nó Dleachta Stampa. Le haghaidh tuilleadh eolais, féach Maoin a chlárú le haghaidh na Cánach Maoine Áitiúla (CMÁ).

Má tá do mhaoin cláraithe le haghaidh CMÁ cheana féin, ba chóir duit rochtain a fháil ar do thaifead maoine leis na Coimisinéirí Ioncaim.

Díolúintí CMÁ

Tá maoine áirithe díolmhaithe ó CMÁ má chomhlíontar coinníollacha cáilitheacha. Le haghaidh tuilleadh eolais, féach Díolúintí na Cánach Maoine Áitiúla (CMÁ) le haghaidh 2022 go dtí 2025.

Iarchur CMÁ

Féadfaidh tú íocaíocht do CMÁ a iarchur má chomhlíonann tú coinníollacha sonraithe áirithe. Le haghaidh tuilleadh eolais, féach D’íocaíocht Cánach Maoine Áitiúla a iarchur.

Ar aghaidh: Spriocdhátaí um thíolacadh agus íoc