Do Cháin Ioncaim a ríomh

Céard is Deimhniú Creidmheasanna Cánach ann?

Leagtar amach na sonraí seo a leanas don bhliain chánach i do Dheimhniú Creidmheasanna Cánach (DCC):

• creidmheasanna cánach, faoisimh agus banda ráta
• do rátaí agus do bhanda rátaí don Mhuirear Sóisialach Uilíoch (MSU)
• d’Aitheantóir Fostaíochta, ar tagairt uathúil é atá leagtha síos ag d'fhostóir le haghaidh do chuid fostaíochta.

Beidh tú in ann do DCC a fheiceáil, a phriontáil nó a íoslódáil san fhillteán 'Mo Dhoiciméid' in moChúrsaí.

Féadtar teacht ar ‘Mo Chuid Doiciméad’ trí moChúrsaí ach na céimeanna seo a leanúint:

1. Sínigh isteach ar moChúrsaí.
2. Cliceáil ar an bhfillteán ‘Mo Chuid Doiciméad’ ar bharr leathanach baile moChúrsaí.
3. Roghnaigh an fillteán don bhliain chuí ón scáileán ‘Achoimre’. 
4. Féach, íoslódáil nó priontáil, an DCC ón bhfillteán 'Mo Chuid Doiciméid'. 

Féadtar DCC nua a iarraidh trí theagmháil a dhéanamh leis na Coimisinéirí Ioncaim trí M'Fhiosruithe. Chun é seo a dhéanamh, ba chóir duit: 

1. Sínigh isteach ar moChúrsaí. 
2. Cliceáil ar 'M'Fhiosruithe' sa chúinne ar thaobh na láimhe deise ar bharr an leathanach baile moChúrsaí.
3. Ag bun an leathanaigh, cliceáil ar 'Cuir Fiosrú Nua Leis'.
4. Sa bhosca 'Sonraí an Fhiosraithe', cuir isteach d'iarratas ar DCC nua. 
5. Do sheoladh ríomhphoist a dheimhniú. 
6. Cliceáil ar ‘Tíolaic Fiosrú’.

Nuair a thosaíonn tú do chéad fhostaíocht in Éirinn, ba chóir duit dul ar líne, clárú le haghaidh moChúrsaí agus d'fhostaíocht nua a chlárú láithreach. Mura ndéanann tú é seo, beidh ort Cáin Éigeandála a íoc. Beidh DCC ar fáil duit in 'Mo Chuid Doiciméid' nuair a bheidh d'fhostaíocht nua cláraithe agat.

Cuirfear Fógra Párolla na gCoimisinéirí Ioncaim (FPCI)ar fáil do d’fhostóir, ach é a iarraidh. Léirítear ar an FPCI iomlán do chreidmheasanna cánach agus do bhandaí ráta cánach agus MSU. Ní thabharfaidh na Coimisinéirí Ioncaim briseadh síos do d'fhostóir ar na creidmheasanna cánach atá éilithe agat, ní thabharfar ach an tsuim iomlán. Úsáidfidh d’fhostóir é seo chun do cháin agus do MSU a ríomh.

Tabhair do d’aire

Tá dualgas ar d’fhostóir d’fhostaíocht nua a chlárú, seachas sa chás gurb é do chéad fostaíocht sa Stát é. Ba chóir do d’fhostóir d’fhostaíocht a chlárú leis na Coimisinéirí Ioncaim trí FPCI nua a iarraidh ar do shon.

Ar aghaidh: Féachaint ar do shonraí pá agus cánach