Do Cháin Ioncaim a ríomh

Is fostaí faoin mbonn Íoca Mar A Thuillir (ÍMAT) é Seán. Is duine singil é Seán.

Toisc go bhfuil Seán ina dhuine singil, an banda ráta atá aige ná €42,000 sa bhliain. Is é €807.70 an tsuim sheachtainiúil (€42,000/52).

Tugadh Deimhniú Creidmheasanna Cánach (DCC) do Sheán a léirigh na creidmheasanna cánach agus an banda ráta seo. Cuirfear Fógra Párolla na gCoimisinéirí Ioncaim (FPCI) ar fáil dá fhostóir leis na suimeanna iomlána.

Tuileann Seán €300 sa tseachtain. Cuirtear an ráta caighdeánach 20% i bhfeidhm ar a ioncam suas le teorainn an bhanda ráta (€807.70).

Ós rud é gur lú ioncam Sheáin ná a bhanda ráta, ní íocann sé cáin ag an ardráta 40% an tseachtain seo.

Ós rud é go bhfuil creidmheasanna cánach Sheáin níos mó ná a cháin chomhlán, ní íocann sé cáin an tseachtain seo.

Is fostaí ÍMAT í Ruth agus íoctar í go míosúil. Tá sí singil.   

Toisc go bhfuil Ruth ina duine singil, an banda ráta atá aici ná €42,000 sa bhliain. Is é €3,500 an tsuim mhíosúil (€42,000/12). Tugadh DCC do Ruth a léirigh na creidmheasanna cánach agus an banda ráta seo. Cuirfear Fógra Párolla na gCoimisinéirí Ioncaim (FPCI) ar fáil dá fostóir leis na méideanna iomlána.

Tuilleann Ruth €3,600 sa mhí. Ríomhtar a cáin mhíosúil tríd an ráta caighdeánach cánach (20%) a ghearradh ar an gcéad €3,500 (suas le teorainn bhanda ráta Ruth). 

Gearrtar an t-ardráta cánach (40%) ar an €100 deireanach (€3,600 – €3,500) dá hioncam os cionn an bhanda ráta.                                                    

Is fostaí ÍMAT í Sorcha. Tá sí pósta agus gearrtar cáin uirthi faoi mheasúnú comhpháirteach. Níl a fear céile, Daithí, fostaithe taobh amuigh den bhaile. Tá cleithiúnaí linbh acu. Tá Sorcha i dteideal an Creidmheas Cánach do Chúramóir Baile a éileamh.

Toisc go bhfuil Sorcha pósta, agus toisc nach bhfuil ioncam ag a fear chéile, an banda ráta atá aici ná €49,000 sa bhliain. Ba é €980.77 an tsuim sheachtainiúil (€51,000/52).

Tugadh Deimhniú Creidmheasanna Cánach (DCC) do Shorcha a léirigh na creidmheasanna cánach agus an banda ráta seo. Cuirfear Fógra Párolla na gCoimisinéirí Ioncaim (FPCI) ar fáil dá fostóir leis na suimeanna iomlána.

Tuilleann Sorcha €1,100 in aghaidh na seachtaine. Ríomhtar a cáin sheachtainiúil tríd an ráta caighdeánach cánach (20%) a ghearradh ar an gcéad €980.77 (suas le teorainn bhanda ráta Shorcha).

Gearrtar an t-ardráta cánach (40%) ar an €119.23 deireanach (€1,100 – €980.77) dá hioncam os cionn an bhanda ráta.

Is fostaithe ÍMAT iad Pól agus Gearóid. Is páirtnéirí sibhialta iad agus gearrtar cáin orthu faoin mbonn measúnaithe chomhpháirtigh. Tuilleann Pól €52,000 agus Gearóid €20,800 sa bhliain.

Is é an banda ráta caighdeánach do lánúineacha pósta nó i páirtnéireacht shibhialta do 2024 ná €51,000, sa chás nach bhfuil ach duine amháin acu ag obair. Mar gheall go bhfuil Pól agus Gearóid araon ag obair, tá an banda ráta méadaithe dlite don bheirt acu.

Méadaítear an banda ráta faoi ioncam an tsaothraí is lú, suas le teorainn uasta €33,000. An banda ráta atá acu ná €71,800 (€51,000 + €20,800).

Ós rud é go dtuilleann Pól níos mó ná Gearóid, roghnaigh siad a gcreidmheasanna cánach agus a mbanda ráta a roinnt.

Tugadh Deimhnithe Creidmheasanna Cánach (DCC) do Phól agus do Ghearóid a léirigh na creidmheasanna cánach agus na bandaí ráta seo. Cuirfear Fógraí Párolla na gCoimisinéirí Ioncaim (fógraí FPCI) ar fáil dá bhfostóirí leis na suimeanna iomlána.

Tuilleann Pól €1,000 sa tseachtain. Ríomhtar a cháin sheachtainiúil tríd an ráta caighdeánach cánach (20%) a ghearradh ar theorainn a bhanda ráta.

hTuilleann Gearóid €400 sa tseachtain. Ríomhtar a cháin sheachtainiúil tríd an ráta caighdeánach cánach 20% a chur i bhfeidhm suas le teorainn an bhanda ráta. Ós rud é gur lú ioncam Ghearóid ná a bhanda ráta, ní íocann sé cáin ag an ardráta 40% an tseachtain seo.