Do Cháin Ioncaim a ríomh

An chaoi a n-oibríonn creidmheasanna cánach

Laghdaíonn creidmheasanna cánach an tsuim chánach a íocann tú. Ní mór cáin a bheith íoctha agat i d'fhostaíocht chun creidmheasanna cánach a úsáid.

Tabhair do d’aire

Féadtar creidmheasanna cánach breise a éileamh a d’fhéadfadh a bheith dlite duit in 2024. Féadtar éileamh a dhéanamh trí chliceáil ar an nasc ‘Bainistigh do cháin 2024’ faoin rannán Seirbhísí ÍMAT in moChúrsaí.

Más fostaí thú, féadtar do chreidmheasanna cánach a fheiceáil ar do Dheimhniú Creidmheasanna Cánach.

Cuirfidh na Coimisinéirí Ioncaim d'fhostóir ar an eolas faoi do chreidmheasanna cánach iomlána. Ní thabharfar na Coimisinéirí Ioncaim briseadh síos dóibh ar do chuid creidmheasanna cánach, ní thabharfar ach an tsuim iomlán. Bainfidh d’fhostóir úsáid as seo chun an tsuim chánach atá le hasbhaint ó do phá a ríomh.

Faoin gcóras Íoca Mar a Thuillir (ÍMAT), roinntear creidmheasanna cánach go cothrom i rith na bliana. Má tá tú ag obair don bhliain iomlán, déanfar do chreidmheasanna cánach a roinnt ar na bealaí seo a leanas:

• 52 suim seachtainiúil cothrom, má íoctar go seachtainiúil thú
• 26 suim coicísiúla cothrom, má íoctar go coicísiúil thú
• 12 suim míosúla cothrom, má íoctar go míosúil thú
• 13 suim cothrom, má íoctar gach ceithre seachtaine thú.

Má tá dara nó níos mó post agat, féadfaidh tú do chreidmheasanna cánach a roinnt eatarthu. Féadtar é seo a dhéanamh ach cliceáil ar an nasc ‘Bainistigh do cháin 2024’ faoin rannán Seirbhísí ÍMAT in MoChúrsaí.

Creidmheasanna cánach neamhúsáidte

Aistrítear chuig tréimhse pá ina dhiaidh sin nó tréimhsí sa bhliain chánach chéanna aon chreidmheasanna neamhúsáidte cánach i dtréimhse phá. Ní fhéadtar:

• aisíocaíocht a fháil ar chreidmheasanna cánach neamhúsáidte
• nó
• creidmheasanna cánach neamhúsáidte a thabhairt ar aghaidh chuig bliain chánach eile.

Ar aghaidh: Céard is Deimhniú Creidmheasanna Cánach ann?